Диний термин оларакъ къадер – Кяинатта оладжакъ шейлернинъ вакътыны, ерини, хусусиетлерини ве насыл оладжагъыны Аллахнынъ эзельде бильмеси ве такъдир этмесидир.
Къаза – Аллахнынъ эзельде такъдир эткен шейлерни вакъты кельгенде бу такъдирге уйгъун оларакъ яратмасыдыр.
Къадерни бир плангъа бенъзетсек, къаза да бу плангъа уйгъун оларакъ япылгъан шей. Кяинатта мейдангъа кельген эр шей Аллахнынъ бильмеси, тилемеси ве яратмасы иледир. Ондан башкъа Яратыджы ёкътыр.
Къадер ве къазагъа иман этмек хайыр ве шер, яхшы ве ярамай эр шейнинъ Аллах тарафындан такъдир этильгенине, бельгиленмесине ве вакъты кельгенде бельгиленгени киби кене де Аллах тарафындан яратылмасына инанмакъ демектир.
Комментариев нет:
Отправить комментарий