НАМАЗ ЧЕШИТЛЕРИ

Намазлар учь чешиттир: фарз намазлар, ваджип намазлар, нафиле намазлар. 

I. Фарз намазлар. 

Булар беш вакъыт намазнен Джума ве дженазе намазыдыр.

а. Беш вакъыт намаз

1) Саба намазы: 

2 рекят суннет + 2 рекят фарз = 4 рекят.

2) Уйле намазы:

4 рекят ильк суннет + 4 рекят фарз + 2 рекят сонъ суннет = 10 рекят.

3) Экинди намазы:

 4 рекят суннет + 4 рекят фарз = 8 рекят.

4) Акъшам намазы: 

3 рекят фарз + 2 рекят суннет = 5 рекят.

5) Ятсы намазы: 

4 рекят ильк суннет + 4 рекят фарз + 2 рекят сонъ суннет = 10 рекят.

 б. Беш вакъыт намаздан башкъа фарз олгъан намазлар

1) Джума намазы: 

4 рекят ильк суннет+ 2 рекят фарз + 4 рекят сонъ суннет = 10 рекят.

 2) Дженазе намазы:
Фарз-ы кифаедир.

II. Ваджип намазлар. 

а. Витир намазы: 3 рекят

б. Рамазан байрам намазы: 2 рекят

в. Къурбан байрам намазы: 2 рекят

III. Нафиле намазлар

 Фарз ве ваджиплернинъ тышында къалгъан намазларгъа «Нафиле намазлар» дейиле. Нафиле намазлар экиге айрыла:

1. Фарз намазларына багълы оларакъ къылынгъан нафиле намазлар 

Булар, фарзлардан эвель ве сонъра къылынгъан суннетлернен49 Рамазан геджелеринде къылынгъан ве «муэккед суннет» олгъан теравих намазыдыр.

2. Фарз намазларына багълы олмадан къылынгъан нафиле намазлар 

Буларгъа мустехап я да мендуп намазлар да дейиле. Булар, базы вакъытларда савап къазанмакъ ниетинен къылынгъан намазлардыр.

Базылары шулар:

а. Къушлукъ (Духа) намазы – Кунеш догъып, мекрух вакъыты кечкен сонъ энъ аз эки, энъ чокъ он эки рекят оларакъ къылынгъан намаздыр.

 б. Техеджджуд намазы – Гедже ярысындан сонъра къылынгъан энъ аз эки, энъ чокъ секиз рекят намаздыр.

в. Тахият’уль-Месджид – Джами зиярет этильгени вакъыт (мекрух вакъыт дегиль исе) къылынгъан эки рекят намаздыр.

г. Эввабин намазы – Акъшам намазындан сонъра къылынгъан дёрт рекятлыкъ намаздыр.

49 Буларгъа реватиб суннетлер деп айтыла.