Берабер олгъан мусульманларнен бирликте Пейгъамбер Эфендимиз -саллаллаху алейхи ве селлем- бир джума куню Кубадан Мединеге арекет этелер. Салимогъуллары юртуна кельгенде уйле вакъты олгъан эди. Пейгъамберимиз -саллаллаху алейхи ве селлем- джума намазынынъ фарз къылынгъаныны мусульманларгъа бильдире. Анда ильк джума намазыны къылалар. Пейгъамберимиз -саллаллаху алейхи ве селлем- намаздан сонъра Мединеге догъру ёлуна девам эте.
Мединелилер бир байрам севинчи ичинде бу шерефли мусафирни къаршыламакъ ичюн ёлнынъ эки тарафында сыраларнен тура эдилер. Пейгъамберимиз -саллаллаху алейхи ве селлем- янларындан кечкенде «буюрынъыз я Ресулюллах!» деп айта эдилер, кучюк балалар да «Аллах эльчиси кельди» деп севине эдилер.
Мединеде буюк бир къуванчнен къаршылгъан Пейгъамберимиз -саллаллаху алейхи ве селлем-, Халид бин Зейд, яни Эбу Эюб эльЭнсарий Хазретлерининъ эвинде мусафир ола ве онынъ эвинде еди ай къадар къала.
Комментариев нет:
Отправить комментарий