КЪАБИР

 Инсаннынъ олюминден къыямет куню янъыдан тирильмесине къадар олгъан девирге «къабыр аяты», бу девир ичинде булунаджагъы ерге де къабир дейилир. Инсан ольген сонъ бедени чюрюр ве топракъкъа къарышыр, факъат беденинден айырылгъан руху ольмез. Инсан къабирге къоюлгъанынен Мункер ве Некир адындаки мелеклер тарафындан суальге чекилир. Суаллерге догъру джевап бергенлер ичюн къабир бир раатланма ери, джевап берип оламагъанлар ичюн бир азап ери оладжакъ.

 Пейгъамбер эфендимиз къабирнинъ вазиетини шойле анълата:

«Къабир я да дженнет бахчаларындан бир бахча, я да джехеннем чукъурларындан бир чукъурдыр.»Кешфу’ль-Хафа, дж. 2, с. 90.

Къабир, Аллахкъа нисбтен вазифесини япкъан, инсанларгъа яхшылыкъ япкъанлар ичюн истираат этеджек бир дженнет багъчасы; вазифесини япмагъанларнынъ азап кореджек бир джехеннем чукъуры оладжакътыр.

Ибн Аббас (р.а.) икяе эте: «(Бир кунь) Аллахнынъ ресули эки къабирге раст кельди ве:
«(Мында яткъанлар) азап чекелер. Азаплары да буюк гуняхтан дегиль» деди. Сонъра сёзлерине шойле девам этти: 
 «Эбет, бириси анда-мында лаф ташыр эди. Башкъасы да сийдик сычрмасындан озюни сакъламаз эди». Сонъра Пейгъамбер тазе бир хурма пытагъы истеди ве экиге больди. Бир данесини бир къабирнинъ узерине сачты, экинджисини де башкъа къабирнинъ узерине сачты. Сонъра да шойле буюрды: «Бельки булар тазе тургъанджа азаплары енъгиллешир!»»Бухари, «Вуду» 55, 56, «Дженаиз» 82, 89, «Эдеб» 46, 49; Муслим, «Тахарет» 111, (292.; Тирмизи,»Тахарет» 53, (70); Эбу Давуд 11, (20, 21.; Несаи,»Тахарет» 27, (1, 28-30).

Ибн Омер (р.а.) анълата:
«Аллахнынъ Ресули буюрды ки, «Сизден бириси ольдими, онъа саба ве акъшам (дженнет я да джехеннемдеки) ери косьтерилир. Дженнетлиге дженнеттеки ери, джехеннемлиге исе джехеннемдеки ери. Онъа: - Аллах сени Къыямет куню тирильткенге къадар сенинъ еринъ иште, будыр!- деп айтылыр» Бухари, «Дженаиз» 90; «Буд’ль-Хальк» 8, «Рикак» 42; Муслим, «Дже - нет» 65, (2866.; Муватта, «Дженнет» 47, (1, 239.; Тирмизи, «Дженаиз» 70, (1072.; Несаи, «Дженаиз» 116, (4, 107.

Бундан да гъайры къабир азабынен алякъалы Хазрети Осман, Али, Зейд бин Сабит, Эбу Хурейра, Бера б. Азиб, Эбу Эййуб, Энес, Джабир, Айше, Эбу Саид киби сахабелерден де, Аллах эписинден разы олсун, хадислер ривает этильген.