Эр къайсы ёлджулыкътан къайткъан кимсе якъынларына эдиелер кетиргени киби, Пейгъамберимиз -саллаллаху алейхи ве селлем- де мукъаддес Мирадж ёлджулыгъындан буюк мужделер ве эдиелернен къайтты.
Мирадж геджеси Пейгъамберимиз -саллаллаху алейхи ве селлем- юксетильген юдже макъамда Аллахкъа къавушкъан, арада ич васта олмадан иляхий вахийге (хитапкъа) наиль олды. Бу макъамда онъа учь шей берильди:
1 – Бакъара суресининъ сонъ эки аети (Аменеррасулю)
2 – Умметинден Аллахкъа ширк къошмагъанларнынъ дженнетке киреджеклери муждеси.
3 – Мирадж эдиеси оларакъ беш вакъыт намаз.
Ислямнынъ шартларындан бири ве диннинъ диреги олгъан намаз Мирадж геджесинде фарз къылынгъандыр.
Комментариев нет:
Отправить комментарий