Мирадж сёзлюкте – юксекке чыкъмакъ, исра да – геджеси юрьмек демектир. Пейгъамбер Эфендимиз -саллаллаху алейхи ве селлемхиджреттен бир ярым йыл эвель Реджеб айнынъ 27- геджеси Меккедеки Месджид-и Харамдан Къудустеки Месджид-и Акъсагъа алып барылгъан, андан да коклерге юксельтильген, мелеклер алемини сейир эткен эди.
Мушриклер‚ Аллахнынъ сонъсуз къудретининъ бир эсери ве Пейгъамберимиз -саллаллаху алейхи ве селлем-нинъ энъ буюк муджизелеринден бириси олгъан Мирадж адисесине инанмадылар. Чюнки олар Аллахнынъ буюклигини, къудретининъ кенишлигини анъламакътан аджиз эдилер. Олар сынъырлы бир тюшюндже ве батыл бир инамгъа саип олгъанлары ичюн, Мирадж муджизесини анъламакъ севиесинде дегиль эдилер.
Муминлер ич тюшюнмеден Мираджны къабул эттилер ве инандылар. Хазрети Эбу Бекирге Мирадж адисеси анълатылгъаны вакъыт о, «буны Мухаммед –саллаллаху алейхи ве селем- айткъан олса догърудыр» деди ве Пейгъамберимиз -саллаллаху алейхи ве селлем-ни тасдикъ этти. Бундан сонъра онъа «Тасдикъ этиджи» манасына кельген «Сыддыкъ» унваны берильди.
Комментариев нет:
Отправить комментарий