Юдже китабымыз Къуран-ы Керимде шойле буюрыла:
«Шубесиз муминлер бири-бирлеринен къардашлар; ойле исе бири-бирине куськен къардашларынъызны барыштырынъыз. Аллахтан сакъынынъыз ки, сизни аджысын». (Худжурат 10)
Бу аеттен анълашыла ки, Ислям - къардашлыкъ динидир. Къардашлыкъ дуйгъусы мусульманларнынъ бири-бирини севмесинен къуветлене. Бу мевзуда Севгили Пейгъамберимиз:
«Иман этмегендже дженнетке кирип оламазсынъыз, бирибиринъизни севмегендже де иман эткен сайылмазсынъыз» (Муслим) деп буюра.
Корюнгеникиби, керчекмусульманолабильмемизбири-биримизни севмемизге багълы. Дюньяда барлыгъымызны девам эттирмек ичюн бирлик ве бераберлигимизни къорчаламакъ керек. Бунынъ шарты да, мусульманлар арасындаки севги багъларынынъ ве къардашлыкъ дуйгъуларынынъ къуветли олмасыдыр. Къураннынъ эмри, Пейгъамберимизнинъ тевсиеси бу. Мусульманнынъ вазифеси де динимизнинъ къардашлыкъ мевзусындаки эмирлерине коре арекет этмектир.
Комментариев нет:
Отправить комментарий