Тарих боюнджа мусульманларнынъ иришкен мувафакъиетлери бирлик ве бераберлик эсасында олды. Мусульманларнынъ башларына кельген фелякетлернинъ чокъусы да бирликнинъ бозулмасы, мусульманларнынъ болюнип, парчаланмасы себебинен олды.
Юдже Аллах Къуран-ы Керимде бизни бирликке чагъырып, шойле буюра: «Эпинъиз бирден Аллахнынъ йипине сым-сыкъы сарылынъыз, сакъын айрылып парчаланманъыз». (Ал-и Имран 103)
Севгили Пейгъамберимиз -саллаллаху алейхи ве селлем- де: «Муминлер, парчалары бири-бирине багълангъан бир бина кибидир» (Бухари) , - деп буюрып, динимизде бирлик ве бераберликнинъ эмиетини бильдире.
Бирликтен къувет догъа, айрылыкъ фелякетке алып бара. Бизим вазифемиз, мусульманлар арасында бирлик ве бераберликни къорчаламакъ, болюджиликке асла да ёл бермемектен ибарет.
Севгили Пейгъамберимиз мусульманларнынъ бирлигини бозмакъ истегенлерни шойле тембиелей:
«Айрыджылыкъ япкъан бизден дегильдир». Пейгъамберимизнинъ бу тембиесине дикъкъат этмели ве айрылыкъкъа ёл ачаджакъ эр тюрлю арекетлерден сакъынмалымыз.
Комментариев нет:
Отправить комментарий