Фатих Султан Мехмет, бир кунь ашайт малларынынъ кейфиетини ве фиятларыны козьден кечирмек ниетинен (танымасынлар деп) урбаларыны денъиштирип, базаргъа чыкъа. Бир тюкянгъа кире, селям бергенден сонъ:
«Ярым батман ягъ, ярым батман бал ве ярым батман пенир беринъиз», - дей. Сатыджы ярым батман ягъ чекип, парасыны эсаплагъан сонъ:
«Агъа, башкъа ихтияджларынъызны да къаршыдаки къомшумдан алынъыз. Чюнки онынъ малы эм даа яхшы, эм де къомшум даа ич бир шей сатамады», - деди. Падиша экинджи тюкянгъа кирип, о ерден де ярым батман бал алгъандан сонъ бу сатыджы да онъа:
«Аллахкъа шукюр олсун агъа, мен ильк тиджаретимни яптым ве балаларымнынъ ашайджакъ парасыны къазандым, къомшум даа бир шей сатмады», - деди. Бунынъ устюне Падиша:
«Бу миллет шу гузель ахлякъынен дюньяларны фетх этер. Миллетнинъ темиз ахлякъыны бозгъанларны Аллах къаарь этсин», - деди. (Тахсин Унал, Османлылардан Фазилет Муджаделеси).
Комментариев нет:
Отправить комментарий