Эбу Талиб ве Хазрети Хатидженинъ вефатындан сонъра мушриклернинъ Пейгъамберимиз -саллаллаху алейхи ве селлем-ге япкъан эзиетлери зияделешкени ичюн Пейгъамберимиз -саллаллаху алейхи ве селлем- Таиф халкъъыны Ислямгъа давет этмек ичюн ильк мусульманлардан Зейд бин Харисени янына аларакъ Таифке кете. Таифлилер Ислямны къабул этмеге истемейлер, Пейгъамберимиз -саллаллаху алейхи ве селлем-нинъ андан чыкъып кетмесини талап этелер. Бунынънен сынъырланмайып‚ Пейгъамберимиз -саллаллаху алейхи ве селлем-ни ташборан эттилер. Атылгъан ташлардан аякълары яраланды, къан ичинде къалды. Юрип оламайджакъ алгъа кельди. Зейд исе вуджудынен Пейгъамберимиз -саллаллаху алейхи ве селлем-ни атылгъан ташлардан къорчаламагъа тырышты.
Ёл четиндеки бир бахчагъа кирип джанларыны къуртаралар. Пейгъамберимиз -саллаллаху алейхи ве селлем- бу ерде бир аз раатлангъан сонъ сонъра кедерли алда Меккеге къайтты. Пейгъамберимиз -саллаллаху алейхи ве селлем-нинъ аяты девамында къаршылашкъан энъ буюк эзиет бу ёлджулыкъ вакътында юзь берген эди. Лякин олып кечкен бу вакъиалардан умютсизликке тюшмеди. Давасындан вазгечмеди. Вазифесине девам этти.
Комментариев нет:
Отправить комментарий