МИЛЛИЙ БИРЛИК ВЕ БЕРАБЕРЛИГИМИЗНИ ТЕМИНЛЕВ ОГЪРУНДАКИ ВАЗИФЕЛЕРИМИЗ

 Шеитлеримизнинъ къанларынен суварылгъан мубарек ветанымызда барлыгъымызны девам эттире бильмемиз, бирлик ве бераберлигимизнинъ къорчаланмасына багълы.

Буны теминлемек ичюн:

1. Мусульман оларакъ эпимиз бир-биримизнинъ дин къардашы олгъанымызны бильмелимиз. Бир-бирлерине куськенлер олса барыштырмалы, араларыны тюзельтмеге тырышмалымыз.

 2. Озюмиз ичюн севгенимиз шейлерни, дин къардашларымыз ичюн де истемели, озюмиз бегенмеген бир шейни башкъалары ичюн де истемемелимиз.

3. Фаджиагъа огърагъан, къыйынджылыкъкъа къалгъан дин къардашларымызнынъ кедерлерини пайлашмалы ве элимизден кельген ярдымны бермелимиз.

Аллаху Тааля шойле буюра: «Эй иман эткенлер…Яхшылыкъ ве такъва хусусында бир-биринъизге ярдымджы олунъыз. Ама гунях ве яманлыкъта бирбиринъизге ярдымджы олманъыз…» (Маиде 2).

4. Бир бутюнлигимизни бозмагъа тырышкъанларгъа къаршы дикъкъатлы олмалымыз.

Аллах бу мевзуда мусульманларны шойле тембиелей:

«Эй инангъанлар! Эгер ёлдан чыкъкъан бириси сизге бир хабер кетирсе, онынъ аслыны араштырынъыз, ёкъса бильмейип бир миллетке яманлыкъ япарсынъыз да, сонъра япкъанынъызгъа пешман олурсынъыз». (Худжурат 6)