Байракъ бир миллетнинъ шерефи, мустакъиль ве урь олгъанынынъ темсилидир.
Пейгъамберимиз девиринде япылгъан дженклерде Ислям ордусында байракъ ола ве бунъа пек буюк эмиет бериле эди. Хайбер дженкинде буюк къараманлыкълар косьтерген Хазрети Алиге Пейгъамберимизнинъ озю бойле бир байракъ теслим эткен эди.
Мусульманларнен Бизанслылар арасында 629 сенеси япылгъан Муте дженкинде Ислям ордусынынъ команданы Хазрети Зейд эди. Пейгъамберимиз Ислям ордусыны Мединеден озгъаргъанда байракъны озь эллеринен Зейдге теслим этеркен: «Эгер шеит олсанъ байракъны Джафер аладжакъ …» деп айткъан эди. Дженкте Зейд шеит олды ве Пейгъамберимиз эмир эткен киби байракъны Хазрети Джафер алгъан эди. Дженк бутюн шиддетинен девам эте эди. Байракъны ташыгъан Джафернинъ сагъ эли кесильгенден сонъ сол элине алгъан, о да кесильгенден сонъ, эки къолу арасына алып, сым- сыкъы сарылгъан, шеит олгъангъа къадар байракъны ич ерге тюшюрмеген эди.
Корюльгени киби, байракъкъа Ислямда пек буюк эмиет бериле.
Комментариев нет:
Отправить комментарий