Меккеден Мединеге кочькен мусульманларгъа «мухаджир», Мединенинъ ерли халкъына да, мухаджирлерге ярдым эткенлери ичюн «энсар» дейильди.
Малларыны, мульклерини ташлап кельген мухаджирлерге, мединелилер эр тюрлю ярдым яптылар. Оларны къучакъ ачып къаршыладылар, эвлеринде мусафир эттилер, отьмеклерини оларнен пайлаштылар.
Дюнья тарихында бири-бирини бойле джандан севген, бирибирине бу къадар юректен багълангъан башкъа бир топлулыкъ косьтермек мумкюн дегиль. Бутюн дюньягъа нумюне олгъан бу адисе, Ислям къардашлыгъынынъ энъ гузель эсеридир.
Пейгъамберимиз -саллаллаху алейхи ве селлем-, мухаджирлернинъ эр бирини, энсарнен къардаш япты. Бу къардашлыкъ къан къардашлыгъындан даа къуветли эди.
Ислям тарихында эр вакъыт сайгъынен анъылгъан энсар ве мухаджирлер динимизге буюк хызметлер яптылар.
Комментариев нет:
Отправить комментарий