КЪУРАН-Ы КЕРИМДЕ АДЛАРЫ АНЪЫЛГЪАН ПЕЙГЪАМБЕРЛЕР

Ильк пейгъамбер Хазрети Адем -алейхисселям-, сонъ пейгъамбер бизим пейгъамберимиз Хазрети Мухаммед -саллаллаху алейхи ве селлем-дир. Бу экисининъ арасында бир чокъ пейгъамбер келип кечти. Къуран-ы Керимде йигирми беш пейгъамбернинъ ады кече. Анджакъ булардан гъайры даа чокъ пейгъамбер келип кечкендир. Биз Къуран-ы Керимде адлары кечкен бутюн пейгъамберлерге ве адларыны тек Аллах бильген дигер пейгъамберлерге де ич бир айырды япмадан инанамыз.
 Къуран-ы Керимде адлары анъылгъан пейгъамберлер шулар:

1) Адем, 2) Идрис, 3) Нух, 4) Худ, 5) Салих, 6) Лут, 7) Ибрахим, 8) Исмаил, 9) Исхак, 10) Якъуб, 11) Юсуф, 12) Шуайб, 13) Харун, 14) Муса, 15) Давуд, 16) Сулейман, 17) Эйюб, 18) Зулькифль, 19) Юнус, 20) Ильяс, 21) Ильеса, 22) Зекерийя, 23) Яхъя, 24) Иса, 25) Мухаммед -саллаллаху алейхи ве селлем