Пейгъамберлигининъ 6-джы йылы эди. Бир кунь Сафа тёпесинде отургъаны сырада шу ерден кечип кетеяткъан Эбу Джахиль, Пейгъамберимиз -саллаллаху алейхи ве селлем-ге куфр этти. Онынъ бу тербиесизлигине Пейгъамберимиз -саллаллаху алейхи ве селлем- джевап бермеди. Бу джан агъыртыджы адисени корьген бир къадын, бу алны Пейгъамберимиз -саллаллаху алейхи ве селлем-нинъ эмджеси Хамзагъа анълатты. Хамза даа мусульман олмагъан эди. Лякин къардашынынъ огълуна япылгъан бу акъаретке чокъ ачувланды‚ Къурейш мушриклерининъ топлангъанлары ерге кетти ве Эбу Джахильге:
«Меним къардашымнынъ огълуны сёгип, оны ынджыткъан сенсинъми?»- деди ве яйынен Эбу Джахильнинъ башына урды.
Бу адиседен сонъра Хазрети Хамза, мусульманлыкъны къабул этип, Пейгъамберимиз -саллаллаху алейхи ве селлем-нинъ янындан ер алды.
Комментариев нет:
Отправить комментарий