Бундан сонра сагъ авучынен агъызына учь кере сув алыр ве эр кересинде богъазына къадар агъызынынъ ичини яхшы этип чайкъар. Оразалы исе богъазына сувнынъ къачмамасына дикъкъат этер. Сонъра сагъ авучына сув алып бурнуна учь кере сув чекер, эр кересинде сол элинен сумюрип темизлер. Бундан сонъра юкъарыда анълатгъанымыз киби абдест алыр.
Абдест биткенинен эвеля учь кере башына, даа сонъра учь кере сагъ омузына, учь кере де сол омузына сув тёкип ювуныр. Сувны эр тёккенде къолларынен етип олгъан ерге къадар беденини окъалар. Душ астында ювунса сырасынен башыны, сагъ омузыны ве сол омузыны сув астына сокъар ве беденини окъалап ювар. Игне уджу къадар къуру ер къалдырмадан беденининъ эр тарафыны учь кере эйидже ювар.
Ювунгъанда:
Кобек бошлугъы, къулакъларнынъ ич кысымлары, купе тешиклерининъ тыш къысмы, узун сачь ве сакъалнынъ тюблерининъ сыланувына хусусан дикъкъат этилир. Гъусульде дуа окъунмаз, аврет ерлери къапалы олмаса къыблагъа тараф чевирильмек олмаз ве керексиз лаф этильмез.
Иште, фарзларына ве суннетлерине риает этерек гъусуль бу шекильде алыныр.
Гъусуль япмасы керек олгъан бир кимсе, агъызына ве бурнуна сув алып, яхшыджа чайкъагъан сонъ озенге, денъизге я да буюк бир хавузгъа кирип беденининъ эр ерини сылатса гъусуль япкъан олур.
Комментариев нет:
Отправить комментарий