ГЪУСУЛЬ

Къуру ичь бир ер къалдырмадан беденнинъ эр ерини ювмагъа гъусуль я да бой абдести деп айтыла.

Гъусуль я да бой абдести алмакъны зарур япкъан аллар:

1. Джунюплик алы 

 - Пишкинлик чагъында олгъан къадын ве эркекнинъ джинсий мунасебетте булунмасы;

 - Юкъуда яхут уяныкъ экен джинсий органдан менининъ кельмеси.

 2. Эр ай белли вакъытларда кадынларда корюльген адет алынынъ екюнленмеси. 

Тыб тилинде бунъа «менструация» деп айтыла. Адет алы екюнленген сонъ бой абдести алмакъ фарз.

3. Догъургъан кадынларда локъсалыкъ алынынъ екюнленмеси. 

Яни бала догъгъан сонъ къадынларда бир къач кунь я да бир къач афта девамында джинсий органларындан къан кельмеси мумкюн. Бунъа локъсалыкъ деп айтыла. Локъсалыкъ алы екюнленген сонъ гъусуль япмакъ фарз.

Бу вазиетте гъусуль япмагъандже, яни бой абдести алмагъандже:

а. Намаз кыламаз.

б. Куръан окъуямаз.

в. Кыурангъа эль токъундырамаз.

 г. Кябени таваф этемез.

д. Бир заруриет олмагъандже джамиге кирмез.

Бундан да гъайры, къадынлар адет корьгенлери куньлерде ве локъсалыкъ алларында ораза тутмазлар.

Гъусуль япмакъны зарур эткен аллар булунмагъаны такъдирде биле джума ве байрам намазлары ичюн гъусуль этмек (ювунмакъ) суннеттир.

ГъусульНИНЪ ФАРЗЛАРЫ 

1. Агъызгъа сув алып, богъазгъа къадар чайкъамакъ. 

2. Бурунгъа сув чекип темизлемек. 

3. Бутюн беденни (ине уджу къадар къуру ер къалдырмадан) ювмакъ.

ГъусульНИНЪ СУННЕТЛЕРИ 

1. Гъусульге «бисмилля…» нен башламакъ.

2. Гъусульге ниет этмек.

3. Беденнинъ эр анги бир еринде кир бар исе, башта оны ювып темизлемек.

4. Эдеп ерлерини ювмакъ.

 5. Гъусульге башламадан эвель абдест алмакъ.

6. Абдесттен сонъра, эвеля учь кере башкъа, сонъра учь кере сагъ омузгъа, учь кере де сол омузгъа сув тёкип ювунмакъ ве сувны эр тёкюште беденнинъ эр бир тарафына еткизмек,

7. Сувны тёккенде беденни окъалап ювмакъ.

8. Аякъларнынъ астында сув топланса, энъ сонъунда аякъларны ювмакъ.