Абдестни бозгъан шейлерден бирисининъ бир намаз вакъыты девамында токътамадан девам этмесине «мазерет»*; бойле бир вазиетте олгъан кишиге де «мазеретли» деп айтыла.
Бир хасталыкъ себебинен бурнундан къан акъкъан я да беденининъ эр анги бир еринден къан я да башкъа (меселя, идрарнынъ тамламасы, ирин киби) бир акъынты мейдангъа кельген киши, намаз вакъыты ичинде акъынты кесильгенинен абдест алыр ве намазыны къылар.
Эгер акъынты бутюн намаз вакъыты боюнджа девам этсе ве абдест алып намаз къыладжакъ къадар бир муддетке биле токътамаса, бу адам мазеретли сайылыр.
Бу вазиетте олгъан адам, намаз вакъыты кирген сонъ акъынты девам этип турса биле абдестини алыр ве намазыны къылар. Девам эткен акъынтынынъ тышында абдестини бозаджакъ башкъа бир шей мейдангъа кельмеген олса, бу абдестнен вакъыт ичинде истеген къадар намаз къылмасы мумкюн. Яни къаза ве нафиле намазларны да къыла биле.
Мазеретли кишининъ абдести, намаз вакъытынынъ чыкъувынен бузулыр. Мазерет алы девам эткен муддет ичерисинде эр намаз ичюн вакъыты кирген сонъ янъыдан абдест алмакъ керек.
Бу зайыф, хаста ве яралы кишилерге динимизнинъ косьтерген бир къолайлыкътыр.
*Мазерет - себеп.
Бир хасталыкъ себебинен бурнундан къан акъкъан я да беденининъ эр анги бир еринден къан я да башкъа (меселя, идрарнынъ тамламасы, ирин киби) бир акъынты мейдангъа кельген киши, намаз вакъыты ичинде акъынты кесильгенинен абдест алыр ве намазыны къылар.
Эгер акъынты бутюн намаз вакъыты боюнджа девам этсе ве абдест алып намаз къыладжакъ къадар бир муддетке биле токътамаса, бу адам мазеретли сайылыр.
Бу вазиетте олгъан адам, намаз вакъыты кирген сонъ акъынты девам этип турса биле абдестини алыр ве намазыны къылар. Девам эткен акъынтынынъ тышында абдестини бозаджакъ башкъа бир шей мейдангъа кельмеген олса, бу абдестнен вакъыт ичинде истеген къадар намаз къылмасы мумкюн. Яни къаза ве нафиле намазларны да къыла биле.
Мазеретли кишининъ абдести, намаз вакъытынынъ чыкъувынен бузулыр. Мазерет алы девам эткен муддет ичерисинде эр намаз ичюн вакъыты кирген сонъ янъыдан абдест алмакъ керек.
Бу зайыф, хаста ве яралы кишилерге динимизнинъ косьтерген бир къолайлыкътыр.
*Мазерет - себеп.
Комментариев нет:
Отправить комментарий