Юдже Аллах шойле буюра:
«Эй Мухаммед! Биз сени бутюн инсанларгъа анджакъ муждеджи ве тенбиеджи оларакъ ёлладыкъ.» Себе суреси, 28.
«Эй Мухаммед! Шуны айт: Эй инсанлар! Догърусы мен Аллахнынъ эпинъиз ичюн ёллгъан бир пейгъамберим.» Араф суреси, 158.
Биз мусульман оларакъ, ич бир айырды япмадан пейгъамберлернинъ эписине инанамыз. Анджакъ бизим пейгъамберимиз Хазрети Мухаммеднинъ -саллаллаху алейхи ве селлем- дигер пейгъамберлер арасында устюн бир ери ве хусусиетлери бар.
Бу хусусиетлернинъ энъ эсаслы олгъанлары шулар
1. Пейгъамберимиз -саллаллаху алейхи ве селлем- Аллахнынъ энъ севген къулу, яратылгъанларнынъ энъ буюги ве фазилетлиси.
2. Сонъ пейгъамбер, ондан сонъра пейгъамбер кельмейджек.
3. Бутюн инсанларнынъ пейгъамберидир. Ондан эвельки пейгъамберлер белли бир миллетлерге ёлланылгъандыр.
4. Пейгъамберлиги къыяметке къадар бутюн девирлерни ичине алгъан. Дигер пейгъамберлернинъ вазифеси исе белли бир вакъытнен сынъырлы эди.
5. Пейгъамберимизнинъ теблигъ эткен Ислям дини къыяметке къадар девам этеджек.
Комментариев нет:
Отправить комментарий