Аллах Тааля шойле буюра:
«О, Аллахнынъ эльчиси ве пейгъамберлернинъ сонъкисидир.»Араф суреси, 158.
Пейгъамберлернинъ энъ буюги ве энъ сонъкиси бизим пейгъамберимиз Хазрети Мухаммед -саллаллаху алейхи ве селлем-дир. Онынъ теблигъ эткен Ислям дини сонъ диндир. Аллах тарафындан кетирген Къуран-ы Керим бутюн инсанлыкъкъа сесленген Аллахнынъ сонъ китабыдыр.
Хазрети Мухаммед -саллаллаху алейхи ве селлем-нинъ кельмесинен пейгъамберлик къапысы къапанды. О, ер юзюндеки бутюн миллетлернинъ пейгъамберидир, бу акъикъат Къуран-ы Керимде ачыкътан бильдирильгендир.
Эвельки пейгъамберлер белли бир къавимлерге ёлланылгъан эдилер. Олар бир эвнинъ ичини айдынлаткъан къандиллерге бенъзейлер. Бутюн инсанлыкъкъа ёлланылгъан бизим пейгъамберимиз исе дюньяны айдынлаткъан кунеш кибидир. Кунеш догъгъан сонъ къандиллерге ихтиядж къалмады.
Комментариев нет:
Отправить комментарий