1. Муджизе
Пейгъамберлернинъ, пейгъамбер олгъанларыны тасдикъламакъ ичюн Аллахнынъ ярдымынен косьтерген февкъульаде адиселер. Муджизелер, пейгъамберликнинъ бирер весикъасыдыр. Пейгъамберлик давасына уйгъун оларакъ мейдангъа келе. Къалгъан инсанлар бойле табиаттан тыш ве февкъульаде шейлер япып оламаз, муджизе косьтерип оламаз, чюнки бунъа кучьлери етмез.
Муджизени тек пейгъамберлер косьтере. Бу муджизе дедигимиз адиселер Аллахнынъ изни ве къудретинен мейдангъа келе.
Бутюн пейгъамберлер, пейгъамбер олгъанларыны исбат этмек ичюн муджизе косьтергенлер. Муджизе косьтеререк, олар инанмагъан инсанларны аджиз вазиетке тюшюрип сустурдылар.
2. Керамет
Аллахнынъ ярдымынен вели къуллары тарафындан мейдангъа кетирильген фувкъульаде адиселер. Бойле февкъульаде адиселер, Аллахнынъ вели къуллары ичюн бирер керамет, таби олгъанлары пейгъамбер ичюн бирер муджизе сайылыр.
Комментариев нет:
Отправить комментарий