воскресенье, 30 декабря 2018 г.
среда, 26 декабря 2018 г.
МЕЛЕКЛЕРНИНЪ МАИЕТИ ВЕ ХУСУСИЕТЛЕРИ
суббота, 22 декабря 2018 г.
четверг, 20 декабря 2018 г.
Кябенинъ Аллах тарафындан къорчаланмасы…
понедельник, 17 декабря 2018 г.
воскресенье, 9 декабря 2018 г.
Мустакъиль окъув ичюн
Керчек иман саиби бир генч къыз…
Хазрети Омер халифелиги девринде сют саткъанларгъа сютке сув къарыштырмаларыны ясакълады ве бу эмирни эр тарафкъа илян этти. Шеэрнинъ интизамыны тешкермек ичюн бир гедже Мединени айланып юргенде болдура ве бир аз раатланмакъ ичюн бир эвнинъ диварына яслана. Эвнинъ ичинде бир къызнен анасы арасында кечкен шу къонушманы эшите:
пятница, 7 декабря 2018 г.
среда, 28 ноября 2018 г.
ХАЗРЕТИ МУХАММЕДнинъ БАЛАЛЫГЪЫ
Меккенинъ намлы инсалары арасында бир адет бар эди. Янъы догъгъан балаларны Меккенинъ этрафында яшагъан къабилелердеки сют аналарына берип бакътыра эдилер. Чюнки, Меккенинъ авасы агъыр ве сыджакъ олгъанындан балаларгъа уймай эди.
пятница, 23 ноября 2018 г.
воскресенье, 18 ноября 2018 г.
ЭНЪ ГУЗЕЛЬ АХЛЯКЪ ОРЬНЕГИ ХАЗРЕТИ МУХАММЕД
Хазрети Мухаммед -саллаллаху алейхи ве селлем- – Аллахнынъ тербиесинен етишкен, юксек ахлякъ саиби олгъан бир пейгъамбердир. О ахлякъыны Къурандан алып, бутюн яхшылыкъларны озюнде топлады. Хазрети Айшеден пейгъамберимизнинъ ахлякъынынъ насыл олгъаны соралгъаны вакъыт, шу джевапны бере:
пятница, 16 ноября 2018 г.
понедельник, 12 ноября 2018 г.
ИБАДЕТЛЕРНИНЪ ЧЕШИТЛЕРИ
1. Беденнен япылгъан ибадетлер. Намаз къылмакъ, ораза тутмакъ киби. Беденнен япылгъан ибадетлерни эр бир мусульман озю япмакъ керек. Башкъа инсанны векиль этмеси джаиз дегиль. Яни бир кимсе башкъасынынъ ерине намаз кыламаз, ораза тутамаз.
пятница, 9 ноября 2018 г.
вторник, 6 ноября 2018 г.
АЛЛАХ СЕВГИСИ
Аллах бизге корьмек ичюн козьлер, эшитмек ичюн къулакълар, лаф этмек ичюн тиль, чешитли ишлер беджермек ичюн эллер ве аякълар берди. Бундан да гъайры Аллах бизге акъыл берип, башкъа варлыкълардан устюн яратты.
понедельник, 5 ноября 2018 г.
ХАЗРЕТИ МУХАММЕДНИНЪ дОГЪУМЫ
Пейгъамберимиз Хазрети Мухаммед -саллаллаху алейхи ве селлем-, 571 сенеси апрель айынынъ 20-сине расткельген Рабиуль эвель айынынъ 12-синде, базарэртеси геджеси танъ ери агъаргъанда Меккеде дюньягъа кельди.
пятница, 2 ноября 2018 г.
среда, 31 октября 2018 г.
ГУЗЕЛЬ АХЛЯКЪЛЫ ОЛМАДА ИМАН ВЕ ИБАДЕТНИНЪ ЭМИЕТИ
Керчек ве догъру имангъа саип олгъан инсан бутюн арекетлерини Аллах корьгенине ве бу арекетлерини вазифели мелеклер язып баргъанына инана. Дюньяда япкъан эр иш ве арекетлери ичюн къыямет кунюнде джевап береджегини биле. Яхшылыкъ япкъанлар бунынъ мукяфатыны кореджегине, ярамайлыкъ япкъанларнынъ да джезасыны чекеджегине кесен-кес инана.
вторник, 30 октября 2018 г.
НЕ ИЧЮН ИБАДЕТ ЭТЕМИЗ
Бизлерни ёкътан бар эткен ве яшаткъан Аллахтыр. Юдже Аллах бизим вуджудымызны козь, къулакъ, тиль киби мукеммель азаларнен донатты. Булар аэнк ичинде бизлерге хызмет эте. Айрыджа, бизлерге акъыл берип, бутюн варлыкълардан фаркълы, имтиязлы ве юдже бир макъамгъа юксельтти. Булардан гъайры, нефес алгъанымыз ава, ичкенимиз сув, ашагъанымыз бинъ бир тюрлю мейва ве себзелер, айванлар – эписи Юдже Раббимизнинъ бизлерге берген ниметлеридир.
понедельник, 29 октября 2018 г.
Аллахны яхшы таныгъан талебе
Бир оджанынъ чокъ талебеси бар экен. Факъат буларнынъ ичинден бир данесини оджа башкъаларындан зияде севе экен. Дигер талебелер буны дуялар ве аркъдашыны куньлемеге башлайлар.
вторник, 23 октября 2018 г.
вторник, 9 октября 2018 г.
ХАЗРЕТИ МУХАММЕДНИНЪ НЕСИЛИ
Хазрети Мухаммед -саллаллаху алейхи ве селлемнинъ бабасынынъ ады Абдуллах эди. Абдуллахнынъ бабасы Къурейш къабилесининъ Хашимогъуллары несилинден ве Меккенинъ белли инсанларындан олгъан Абдульмуталлиб эди. Анасы, Къурейш къабилесининъ Зухреогъуллары несилинден Вехбнинъ къызы Аминедир.
понедельник, 8 октября 2018 г.
ИСЛЯМДА АХЛЯКЪ
Ислям дининде ахлякънынъ буюк бир эмиети ве къыймети бар. Ислямнынъ макъсады инсанларны гузель ахлякъ саиби япмакътыр. Ислям – гузель ахлякъ демектир. Пейгъмберимиз -саллаллаху алейхи ве селлем- шойле буюрды:«Мен гузель ахлякъны тамамламакъ ичюн ёлланылдым».(Кешф-уль Хафа) Бир мусульманнынъ къыймети ахлякъынынъ гузеллигинен ольчене. Пейгъамбер Эфендимиз: «Сизинъ ичинъизден манъа энъ севимлинъиз ве къыямет кунюнде манъа энъ якъынынъыз ахлякъы энъ гузель олгъанынъыздыр», - (Тирмизи) деп буюрмакънен бу керчекни анълаткъан.
воскресенье, 7 октября 2018 г.
вторник, 2 октября 2018 г.
ИБАДЕТ НЕДИР
Ибадетнинъ кениш манасы ве тар манасы бар.
1. Кениш манада ибадет – бу къаршылыгъына савап я да гунях язылган эр тюрлю сёз ве арекетлердир. Меселя, мусульман къардашынънен муляйим лаф этмек, къарт адамгъа ёлдан кечмеге ярдым этмек, инсанларгъа кедер кетирген таш я да одун парчасыны ёлдан четке чекмек ве саире.
понедельник, 1 октября 2018 г.
воскресенье, 30 сентября 2018 г.
Мусульман Аллахкъа шойле инаныр
Аллах бардыр ве бирдир. Барлыгъынынъ башлангъычы ве сонъу ёкътыр. Аллах махлюкълардан ич бирине бенъземез. Аллахнынъ бар олувы озь-озюндендир. Ич бир шейге мухтадж дегильдир. Бутюн махлюкълар Онъа мухтадждыр.
четверг, 27 сентября 2018 г.
ИСЛЯМИЕТТЕН ЭВЕЛЬ АРАБИСТАННЫНЪ ВАЗИЕТИ
Ислямиеттен эвель араплар терен бир джаиллик ичинде эдилер. Окъумагъа, язмагъа бильгенлер ёкъ дейиледжек къадар аз эди. Инсан хакъларына риает этильмей эди. Кучьлю олгъанлар зайыфларны эзе эдилер. Хакъларынынъ чокъ къысмындан махрум олгъан къадын, санки бир эшья киби алынып, сатыла эди. Къыз балаларыны тири-тири топракъкъа комип ольдюрмек адет алына кельген ве бу аджыныкълы алны кимсе токътатып олмай эди.
воскресенье, 23 сентября 2018 г.
АХЛЯКЪНЫНЪ ТАРИФИ
Ахлякъ – инсаннынъ рухуна ерлешкен алышкъанлыкълардыр. Бу алышкъанлыкълар, чокъ тюшюнмеге керек олмадан фииль ве арекетлеримизни мейдангъа кетире.
пятница, 21 сентября 2018 г.
ИСЛЯМНЫНЪ ТЕМИЗЛИККЕ БЕРГЕН ЭМИЕТИ
Ислям дини темизлик узерине къурулгъандыр. Мусульман демек – темиз инсан демектир. Темиз олгъанларны эм Аллах, эм де инсанлар север. Юдже Раббимиз Къуран-ы Керимде шойле буюра:
вторник, 18 сентября 2018 г.
АЛЛАХНЫНЪ СЫФАТЛАРЫ
Аллахнынъ 14 сыфаты бар. Буларнынъ алтысына «затий» сыфатлар, секизине де «субутий» сыфатлар деп айтыла.
понедельник, 17 сентября 2018 г.
АЛЛАХНЫНЪ БАРЛЫГЪЫ ВЕ БИРЛИГИ
Иманнынъ алты шартындан бириси Аллахкъа имандыр. Акъыллы ве пишкинлик чагъына еткен эр инсаннынъ биринджи вазифеси, Аллахнынъ барлыгъына ве бирлигине инанмакътыр.
воскресенье, 16 сентября 2018 г.
ИМАННЫНЪ САХИХ ВЕ МАКЪБУЛ ОЛМАСЫНЫНЪ ШАРТЛАРЫ
Иманнынъ сахих ве макъбул олмасы ичюн учь шарт бар:
1. Иман артыкъ умют къалмагъаны вакъыт олмамалы. Эвельден иман этмеген бир инсан олюм алында азапны корип, къоркъудан иман этмеси кечерсиздир. Бу иман о кишиге файда бермез. Тыпкъы фараоннынъ денъизде богъуладжагъыны корип иман этмеси киби.
суббота, 15 сентября 2018 г.
четверг, 13 сентября 2018 г.
ИМАННЕН АМЕЛЬ АРАСЫНДАКИ МУНАСЕБЕТ
Бир мусульман диний укюмлерни инкяр этмегени муддетче ве юрегинде иман булунгъаны муддетче ибадет этмесе биле кене де мусульмандыр, яни динден чыкъмаз ве кяфир олмаз. Лякин Аллахнынъ эмири олгъан ибадетлерни япмагъаны ичюн гунях къазаныр ве джезаны хакъ эткен олур.
среда, 12 сентября 2018 г.
ИМАННЫНЪ ИНСАНГЪА БЕРГЕН БАХТ ВЕ СЕАДЕТ
Инсан, беден ве рухтан мейдангъа кельген бир варлыкътыр. Беденимизнинъ ашамагъа ве ичмеге ихтияджы олгъаны киби, рухумызнынъ да гъыдагъа ихтияджы бар.
Рухнынъ энъ эмиетли гъыдасы сагълам ве догъру имандыр. Аллахкъа инангъан ве ишангъан адам маневий гъыдасыны алгъан ве буюк къувет къазангъан олур. Чюнки адам эр вакъыт Аллахнынъ ярдымына мухтадж. Мухтадж олгъанымыз о Юдже Яратыджыгъа инанмакъ ве багъланмакъ сеадет ве инам менбаасыдыр.
вторник, 11 сентября 2018 г.
ИМАН БАКЪЫМЫНДАН ИНСАНЛАР
Иман бакъымындан инсанлар уч къысымгъа айрыла:
1. Му’мин – Аллахнынъ барлыгъына ве бирлигине, Хазрети Мухаммеднинъ -саллаллаху алейхи ве селлем- Аллахнынъ пейгъамбери олгъанына юректен инангъан ве буны тилинен сёйлеген кимсеге «му’мин» дейиле.
понедельник, 10 сентября 2018 г.
Аменту
Иманнынъ шартлары «Аменту» деген сёзде топлангъан. Эр бир
мусульман «Аменту»ны ве манасыны огренмели.
«Аменту» шудыр:
Окъунмасы:
«Аменту» шудыр:
Окъунмасы:
воскресенье, 9 сентября 2018 г.
Иманнынъ шартлары алты данедир
Иманнынъ шартлары алты данедир:
1. Аллахкъа иман.
2. Аллахнынъ мелеклерине иман.
ИМАН ЭСАСЛАРЫ
Иман сёзюнинъ лугъаттаки манасы - эр къайсы бир шейге инанмакъ демектир.
Динимизде исе иман - Пейгъамберимиз Хазрети Мухаммед -саллаллаху алейхи ве селлем-нинъ Аллах тарафындан кетирген шейлернинъ догъру олгъанына юректен инанмакъ ве бу инамны тильнен сёйлемектир.
суббота, 8 сентября 2018 г.
Келиме-и шехадет
Окъунмасы:
«Эшхеду эн ля иляхе илляллах ве эшхеду энне Мухаммеден абдуху ве ресулюх».
Манасы:
«Мен шаатлыкъ этем ки, Аллахтан гъайры танъры ёкътыр ве кене шаатлыкъ этем ки, Мухаммед Аллахнынъ къулу ве пейгъамберидир».
пятница, 7 сентября 2018 г.
четверг, 6 сентября 2018 г.
КЕЛИМЕ-И ТЕВХИД
Окъунмасы: «Ля иляхе илляллах, Мухаммедун ресулюллах».
Манасы: «Аллахтан гъайры танъры ёкътыр. Хазрети Мухаммед Аллахнынъ пейгъамберидир».
вторник, 4 сентября 2018 г.
Мустакъиль окъув ичюн
Имамы Азам эбу Ханифе
Эбу Ханифе, Ислям дюньясынынъ етиштирген энъ буюк алимлеринден бирисидир. О, кениш бильгиси, зийреклиги ве юксек ахлякъынен Ислям дюньясында бир йылдыз киби парылдап, мусульманларны айдынлатты ве оларгъа ёл косьтерди. Эбу Ханифе буюк алим олмакънен бир сырада Аллахкъа ибадетте, инсанларгъа яхшылыкъ япувда, догърулыкъта ве гузель ахлякъта нумюне олгъан бир Ислям алимидир.
понедельник, 3 сентября 2018 г.
ИСЛЯМНЫ БУТЮН ДЮНЬЯ ДИНИ ЯПКЪАН ХУСУСИЕТЛЕР
Ислям динини бутюн дюнья дини япкъан чокъ хусусиетлер бар. Булардан базылары шулар:
1. Ислям – бутюн инсанлыкъкъа ёлланылгъан сонъ дин
Ислям бутюн инсанлыкъкъа ёлланылгъан ве къыяметке къадар девам этеджек сонъ иляхий диндир. Бу себептен Пейгъамбер эфендимиз Ислям динини дюньядаки бутюн миллетлерге теблигъ этмек макъсадынен, о девирдеки мемлекетлернинъ идареджилерине мектюплер ёллады ве оларны Ислям динини къабул этмеге чагъырды.
2. Ислям – акъыл ве илим дини
Ислям дини акъылгъа буюк эмиет бере. Мукеллеф олмакъ ичюн акъылы еринде олмакъны шарт къоша. Бильгиге де юксек дереджеде къыймет кескен динимиз, даима окъумакъны ве огренмекни эмир эте. Динимизге коре илим огренмек мусульман эркеклерге ве къадынларгъа фарздыр.
воскресенье, 2 сентября 2018 г.
ИСЛЯМ ДИНИНИНЪ ХУСУСИЕТЛЕРИ
ИСЛЯМ ДИНИНИНЪ ХУСУСИЕТЛЕРИ
1. Ислям сонъ диндир. Ислямдан башкъа дин кельмейджек. Ислямнынъ укюмлери къыяметке къадар девам этеджек. Ислям динини инсанларгъа теблигъ эткен Хазрети Мухаммед -саллаллаху алейхи ве селлем- сонъ Пейгъамбердир. Ондан сонъра пейгъамбер кельмейджек.
суббота, 1 сентября 2018 г.
ИСЛЯМ ДИНИНИНЪ МАКЪСАДЫ
Ислям инсанларнынъ бахтлы ве сеадетли олмаларыны истер. Ислямнынъ укюмлерине уйгъун арекет эткенлер эм дюньяда, эм де ахыретте бахтлы олурлар.
пятница, 31 августа 2018 г.
среда, 29 августа 2018 г.
МЕНИМ ДИНИМ
Меним диним юджедир; мен динимни северим,
Оны бутюн динлерден устюн тутар, саярым.
Ислямдыр меним диним, динлернинъ энъ гузели.
«Аллах бирдир» демектир динимизнинъ темели.
«Аллах бир» деп айтамыз; «Аллах» деп ялварамыз.
«Аллах бирдир» демектен башкъа сёз тапалмаймыз.
суббота, 18 августа 2018 г.
Ислямнынъ башкъа динлер арасындаки ери
Ислямнынъ башкъа динлер арасындаки ери
Ильк инсан олгъан Хазрети Адем айны вакъыт ильк пейгъамбер эди. Бу себептен инсаниетнинъ ильк дини хакъ диндир. Хазрети Адем -алейхисселям-дан Хазрети Иса -алейхисселям-гъа къадар кельген бутюн пейгъамберлер инсанларны тек Аллахкъа иман этмеге чагъырдылар ве Онъа насыл ибадет этмек керек олгъаныны огреттилер. Лякин бу пейгъамберлернинъ теблигъ (Теблигъ этмек – бильгини кетирип инсанларгъа еткизмек, анълатмакъ) эткен иман эсаслары ве диний укюмлер белли бир девирден сонъ бозулды ве асыллары къалмады.
Бунынъ узерине Юдже Аллах сонъ пейгъамбер Мухаммед -саллаллаху алейхи ве селлем-вастасынен бутюн инсаниетке сонъ ве энъ мукеммель дин олгъан Ислямны ёллады. Бу себепнен керчек дин, Ислям динидир. Батыл динлернинъ Аллах къатында ич бир къыймети ёкъ. Аллах къатында тек ве къабул этильген дин Ислямдыр. Бу акъикъат Юдже Аллах тарафындан Къуран-ы Керимде шойле
«Шубесиз Аллах къатында хакъ дин Ислямдыр». Али Имран суреси, 19.
Динлер учь къысымгъа айрыла
Динлер учь къысымгъа айрыла
а) Хакъ дин Аллах тарафындан пейгъамбер вастасынен инсанларгъа бильдирильген, ич бир денъишме олмадан ве бозулмадан кунюмизге къадар етип кельген диндир. Бу хусусиетлерни ташыгъан тек дин бизим динимиз Ислямдыр.
б) Мухарреф дин Аллах тарафындан пейгъамберлер вастасынен инсанларгъа бильдирильген, амма даа сонъра инсанлар тарафындан денъиштирильген, бозулгъан динлер. Булар христиан ве еудий динлеридир. Бу динлерни кетирген пейгъамберлер вефат эткен сонъ диндеки базы къанун ве шартларны инсанлар озь истеклерине коре денъиштирдилер, къошма ве эксильтме яптылар. Онынъ ичюн бу динлернинъ асылы кунюмизге къадар етип кельмеди ве биз оларгъа мухарреф, яни бозулгъан динлер деп айтамыз.
в) Батыл динлер Инсанлар тарафындан уйдурылгъан динлер. Меселя, буддизм, брахманизм, даосизм ве дигерлери. Олар Аллах тарафындан ёлланылмады ве пейгъамберликнен ич бир алякъалары ёкъ.
Дин недир
ИСЛЯМ ДИНИ
Дин недир
Дин – акъыл саиплерини озь арзу-истеклеринен дюнья ве ахырет аятларында бахт ве сеадетке алып баргъан иляхий къанунлардыр.
Подписаться на:
Сообщения (Atom)