МЕНИМ ДИНИМ

Меним диним юджедир; мен динимни северим,
Оны бутюн динлерден устюн тутар, саярым.

Ислямдыр меним диним, динлернинъ энъ гузели.
«Аллах бирдир» демектир динимизнинъ темели.

«Аллах бир» деп айтамыз; «Аллах» деп ялварамыз.
«Аллах бирдир» демектен башкъа сёз тапалмаймыз.



Пейгъамберим Мухаммед – эки джиан кунеши,
Пейгъамберлер ичинде ёкътыр онынъ бир тенъги.

Бу динни Раббимизден кетирген одыр бизге;
Бу дин нурлар ягъдырыр, коклерден устюмизге.

Бу дин айта – темиз ол! Бу дин айта – догъру ол!
Бу динден даа гузель бармы экен башкъа ёл?

Китабымыз Къурандыр; окъурмыз оны эр кунь,
Чокъ шукюр Аллахкъа, мусульманмыз биз бугунь.

М. Ш. Ялткъая