ИМАН БАКЪЫМЫНДАН ИНСАНЛАР

Иман бакъымындан инсанлар уч къысымгъа айрыла:

1. Му’мин – Аллахнынъ барлыгъына ве бирлигине, Хазрети Мухаммеднинъ -саллаллаху алейхи ве селлем- Аллахнынъ пейгъамбери олгъанына юректен инангъан ве буны тилинен сёйлеген кимсеге «му’мин» дейиле.

2. Мунафыкъ – Аллахнынъ барлыгъына ве бирлигине, Хазрети Мухаммеднинъ -саллаллаху алейхи ве селлем- пейгъамберлигине юректен инанмагъаны алда тилинен инангъаныны сёйлеген кимселерге «мунафыкъ» дейиле.

3. Кяфир – Аллахнынъ барлыгъына, бирлигине ве Хазрети Мухаммеднинъ -саллаллаху алейхи ве селлем- пейгъамберлигине инанмагъан ве буны тилинен ифаде эткен кимсеге «кяфир» дейиле. Му’мин олгъанлар, дженнетте сонъсуз ве бахтлы бир аяткъа къавушаджакълар. Мунафыкъ ве кяфирлер дженнетке кирип оламайджакълар, имансызлыкънынъ джезасыны джехеннемде чекеджеклер.