Ислям дини темизлик узерине къурулгъандыр. Мусульман демек – темиз инсан демектир. Темиз олгъанларны эм Аллах, эм де инсанлар север. Юдже Раббимиз Къуран-ы Керимде шойле буюра:
«Шубесиз Аллах, чокъ тевбе эткенлерни ве яхшы темизленгенлерни север».( Бакъара суреси, 222).
Аллахнынъ севген къулларындан олмакъ ичюн темизликке дикъкъат этмек керек. Севгили Пейгъамберимиз: «Темизлик – иманнынъ ярысыдыр», - деп буюра ве динимизнинъ темизликке берген эмиетини къайд эте.
Мусульман намаз къылгъанда Аллахнынъ узурында булуна. Аллахнынъ узурына чыкъмакъ ичюн беден, урба ве намаз къылынаджакъ ернинъ темиз олмасы керек. Динимиз ич темизликке де буюк эмиет бере. Мусульманнынъ тыши темиз олгъаны киби юреги ве руху да темиз олмалы.
Комментариев нет:
Отправить комментарий