ИМАН ЭСАСЛАРЫ

Иман сёзюнинъ лугъаттаки манасы - эр къайсы бир шейге инанмакъ демектир.

Динимизде исе иман - Пейгъамберимиз Хазрети Мухаммед -саллаллаху алейхи ве селлем-нинъ Аллах тарафындан кетирген шейлернинъ догъру олгъанына юректен инанмакъ ве бу инамны тильнен сёйлемектир.

1. Иман экиге айрыла

а) Иджмалий иман Аллахкъа ве Хазрети Мухаммед -саллаллаху алейхи ве селлемнинъ Аллахнынъ пейгъамбери олгъанына инанмакътыр.
Бу эки хусус, динимизде инанылмасы керек олгъан дигер хусусларны да ичине алгъаны ичюн бутюн иман эсасларынынъ бир мундериджесидир. Бу себепнен, бунъа «иджмалий иман» яни «топлу шекильде иман» деп айтыла.
Иман эсаслары топлу бир шекильде ве мундеридже оларакъ эм  Келиме-и Тевхидде, эм де Келиме-и Шехадетте ифаде этиле. Бир инсан, Келиме-и Тевхид я да Келиме-и Шехадетни айтып, буларнынъ маналарына юректен инанса Ислямгъа кирер, яни мусульман олур. Анджакъ, мусульман олгъан кимсе бунынънен сынъырланмайып, иман эсасларынынъ эр бирини огренмеси ве бутюнине айры-айры инанмасы керек. Инангъан кимсеге «му’мин» деп де айтыла.

б) Тафсилий иман Иман эсасларына айры-айры инанмагъа «тафсилий иман», яни «теферруатлы оларакъ инанмакъ» дерлер. Теферруатлы оларакъ бильдирильген иман эсасларына «иманнынъ шартлары» деп де айтыла.