Пейгъаберлерде булунмасы ваджиб олгъан сыфатлар

 1. Сыдыкъ – догърулыкъ демек. Пейгъамберлер сонъ дередже догъру инсанлардыр. Ич бир вакъыт ялан айтмазлар. Олды дегенлери шейлер олгъан, оладжакъ дегенлери шейлер де вакъыты кельгенде  мытлакъа оладжакъ.

2. Эманет – ишанчлы олмакъ демек. Пейгъамберлер эр хусуста ишанчлы кишилердир, эманетке асла хиянетлик япмазлар.

3. Фетанет – акъыллы ве зийрек олмакъ демек. Пейгъамберлер кескин акъыллы, зийрек ве сонъ дередже зекий инсанлардыр.

4. Исмет – гуняхсыз олмакъ демек. Пейгъамберлер гизли я да ачыкъ ич бир суретте гунях ишлемезлер.

5. Теблигъ – бильдирмек демек: Пейгъамберлер Аллахтан алгъанлары диний укюмлерни олгъаны киби инсанларгъа бильдирдилер. Ич бир денъишмеге ёл бермеден, инсанларгъа еткиздилер.