Къуран окъумакънынъ фазилети акъкъында Пейгъамберимизнинъ мубарек сёзлери:
«Ичинъизден энъ хайырлынъыз, Къуранны огренген ве огреткендир».
«Ким Аллахнынъ китабы Къурандан бир ариф окъуса, онынъ ичюн бир севап бар. Эр савапнынъ къаршылыгъы да он къат бериледжек».
«Ким Аллахнынъ китабы Къурандан бир ает динълесе, онъа къат-къат савап берилир. Ким де Аллахнынъ китабындан бир ает окъуса къыямет кунюнде онъа нур олур».
«Къуранны окъунъыз. Чюнки о, къыямет куню окъугъанларгъа шефаат этеджек».
«Ким Къуран-ы Керимни окъур ве онынъ иле амель этсе, къыямет кунюнде онынъ ана ве бабасына ойле бир тадж кийдирилир ки, онынъ айдынлыгъы дюньяда эвлерге ургъан кунеш ышыгъындан даа ярыкътыр. Артыкъ сиз бунынъ иле амель эткеннинъ савабыны эсап этинъ».
Пейгъамберимиз -саллаллаху алейхи ве селлем- Хазрети Эбу Зерге шойле деди: «Сабадан эвден чыкъып Аллахнынъ китабы Къурандан бир ает огренменъ, сенинъ ичюн юз рекят нафиле намаздан даа хайырлыдыр».
«Ким Къуранны окъуса ве оны эзберлесе, хелял дегенини хелял билир, харам дегенини де харам сайса, бу себепнен Аллах оны дженнетке къояр ве акърабасындан эписи де джехеннемлик олгъан он кишиге шефаатчы къылар». Эт-Тергъиб вет-Терхиб, дж. 2, с. 342 ве девамы.
Комментариев нет:
Отправить комментарий