ХАЗРЕТИ МУХАММЕДГЕ -саллаллаху алейхи ве селлемЭНЪ ЧОКЪ ДУШМАНЛЫКЪ ЯПКЪАНЛАР

Мушриклер эм Пейгъамберимиз -саллаллаху алейхи ве селлемге, эм де мусульманларгъа эзиет этмектен вазгечмей эдилер.
 Пейгъамберимиз -саллаллаху алейхи ве селлем-ге энъ чокъ душманлыкъ япкъанлар шулар эди:

1. Эбу Лехеб

Пейгъамберимиз -саллаллаху алейхи ве селлем-нинъ эмджеси олмасына бакъмадан Ислямнынъ энъ буюк душманы эди. Даа ильк куньден Пейгъамберимиз -саллаллаху алейхи ве селлем-ге къаршы чыкъкъан эди. Къадыны да Пейгъамберимиз -саллаллаху алейхи ве селлем-нинъ кечеджеги ёлларгъа эр фырсатта тикенлер ташлар эди. Теббет суреси бу экиси акъкъында энген эди. Эбу Лехеб, Бедир дженкинде мусульманларнынъ зафер къазангъанларыны эшиткенден сонъ къаарьленгенинден ольди.

 Эбу Лехебнинъ огълу Утейбе бир кере Пейгъамберимиз -саллаллаху алейхи ве селлем-ге уджюм этти, якъасындан чекип кольмегини йырткъан эди. Пейгъамберимиз -саллаллаху алейхи ве селлем- онынъ бу арекетлеринден сонъ дередже кедерленген ве: «Я Раб! Утейбенинъ узерине джанаварлардан бирисини мусаллят эт», - деп дуа эткен эди. Аллах севгили Пейгъамберининъ дуасыны къабул эте. Утейбе Шамгъа кеткенде ёлда бир арслан чыкъып, оны парчалады. Бойледже, Пейгъамберге япкъан арекетининъ джезасыны алгъан эди.

2. Эбу Джахиль

 Пейгъамберимиз -саллаллаху алейхи ве селлем-ге энъ чокъ душманлыкъ япкъанлардан бириси. Мусульманларгъа чокъ эзиет эткен эди. Аммар бин Ясирнинъ анасыны тек бир Аллахкъа иман эткени ичюнь ольдюрген эди. О да Бедир дженкинде ольдюрильди.

3. Ас бин Ваиль 

Пейгъамберимиз -саллаллаху алейхи ве селлем-ге энъ чокъ душманлыкъ япкъанлардан бири олгъан бу адам, Пейгъамберимиз -саллаллаху алейхи ве селлем-нинъ огълу Къасым ольгени вакъыт, «Мухаммеднинъ сою кесильди» деп масхара эткен, эвлят аджысынен юреги янгъан Пейгъамберимиз -саллаллаху алейхи ве селлем-нинъ джаныны агъырткъан эди.

Кевсер суресиндеки, «Асыл сою кесильген, исми унутылгъан – санъа кин ве душманлыкъ эткен кимседир» аети бунынъ акъкъында  назиль олгъандыр. Ас бин Ваиль, Мекке дживарында бир дагъ кечитинден кечкенинде мингени айван оны ерге йыкъып, аягъыны тишлеген ве бу ярадан ольген эди.

4. Велид бин Мугъире, 

5. Умейе бин Халеф,

 6. Утбе бин Рабиа кибилер де Пейгъамберимиз -саллаллаху алейхи ве селлем-ге энъ чокъ душманлыкъ япкъанлардан эдилер.