Пейгъамберлер энъ догъру бир шекильде инсанларгъа Аллахны таныткъанлар, иман эсасларыны, ибадет шекиллерини огреткенлер. Диний укюмлерни ве гузель ахлякъ эсасларыны анълаткъанлар, озьлери де айткъанларыны япаракъ инсанларгъа ибрет олгъанлар.
Пейгъамберлер энъ агъыр вазиетлерде биле вазифелерини эда эттилер. Инанмагъанларгъа пейгъамбер олгъанларыны исбатламакъ ичюн ич кимсенинъ япып оламайджагъы февкъульаде шейлер мейдангъа кетирдилер, муджизелер косьтердилер. Аллахнынъ эмирлерини ерине кетиргенлерни дженнетнен муджделедилер, кетирмегенлерге исе джехеннем азабынен джезаланаджакълары акъкъында хабер бердилер.
Пейгъамберлер, Аллахнынъ инсанлар арасындан сайлагъан эр тюрлю ахлякъий гузелликке малик орьнек инсанлардыр.
Комментариев нет:
Отправить комментарий