1. Баласына гузель бир ад къоймакъ.
Пейгъамберимиз шойле буюра: «Къыямет куню озь адларынъызнен ве бабаларынъызнынъ адларынен чагъырыладжакъсынъыз. Ойле исе балаларынъызгъа гузель адлар къоюнъыз».Эбу Давуд.
2. Балаларына харам локъма ашатмамакъ
Пейгъамбер Эфендимиз -саллаллаху алейхи ве селлем-: «Бир кимсенинъ масраф эткен параларынынъ энъ хайырлысы, къорантасынынъ ихтияджларына масраф эткен парадыр…»Муслим.
«Бир инсаннынъ бакъмасы борджлу олгъан къоранта азаларыны ихмал этмеси, гунях оларакъ онъа етер», - деп тембиелей. Эбу Давуд.
3. Балаларыны сагълам оларакъ тербиелеп осьтюрмек.
Балаларынынъ беден ве рух сагълыгъыны къорчаламакъ;
4. Баланы яхшы тербие этмек, онъа ахлякъ джеэтинден гузель бир орьнек олмакъ.
Пейгъамберимиз -саллаллаху алейхи ве селлем-: «Ич бир баба баласына гузель тербиеден даа да буюк бир бахшыш бермеди» деп буюраракъ, бала тербиесининъ эмиетине ишарет эте. Тирмизи.
5. Балаларына намазны ве башкъа диний ве ахлякъий вазифелерни огретмек.
Пейгъамберимиз -саллаллаху алейхи ве селлем- шойле буюрды: «Бала еди яшына кельгенде онъа намаз къылмасыны сёйленъиз. Эгер он яшына кельгенде аля даа намаз къылмаса, оны азджыкъ джезаландырынъыз. Ве бу яшта оларнынъ ятакъларыны айырынъыз». Эбу Давуд.
6. Баланы окъутмакъ, яшайышы ичюн бир зенат саиби япмакъ.
Хазрети Али (р.а.) шойле дей: «Балаларынъызны яшадыгъынъыз вакъыттан башкъа бир вакъыт ичюн етиштиринъиз. Чюнки олар, сизинъ вакътынъыздан башкъа бир вакъыт ичюн яратылгъанлар».
7. Балаларыны севмек, оларнен меракъланмакъ.
Чюнки балаларнынъ ашамакъ, ичмек къадар севгиге де ихтияджлары бар.
Пейгъамбер Эфендимиз(с.а.в) балаларны пек севе ве оларнен меракълана эди.
8. Балаларны севгенде, эдие бергенде оларны айырмамакъ, эр кеске бир ве адалетли олмакъ.
Бу мевзуда Пейгъамберимиз шойле буюрды: «Аллахтан къоркъунъыз ве балаларынъызгъа нисбетен адалетли олунъыз».Бухари.
9. Эвленмек вакъты кельгенде балаларыны эвлендирмек.
Комментариев нет:
Отправить комментарий