ХАБЕШИСТАН КЪЫРАЛЫ НЕДЖАШИЙНИНЪ МУСУЛЬМАНЛАРГЪА МУНАСЕБЕТИ

Меккели мушриклер, мусульманларнынъ Хабешистанда хошнутлыкъкъа къавушмасындан раатсыз олдылар. Оларны къайтарып кетирмек ичюн Хабеш къыралы Неджашиге бир чокъ эдиелернен эки эльчи ёлладылар. Эльчилер Неджашиден мусульманларны оларгъа теслим этип къайтармасыны истедилер. Христиан олгъан Неджаши, мусульманларны чагъырып Ислямиет акъкъында бильги алды. О, эр эки тарафны эшиткенден сонъра мусульманларны хакълы таныды ве эльчилер озь ниетлерине иришемеден Меккеге къайтмагъа меджбур олдылар.
Бундан сонъра Неджаши мусульманларны эвелькисинден даа чокъ къорчаламагъа башлады. Хабешистаннынъ халкъы мусульманларгъа чокъ яхшы мунасебетте олдылар.