Къураннынъ назиль олмасы – энмеси демектир. Пейгъамберимиз Хазрети Мухаммед -саллаллаху алейхи ве селлем-ге пейгъамберлик вазифеси берильмеден эвель бир муддет Мекке этрафындаки Хира дагъына кете, Аллахнынъ буюклигини тюшюне эди.
610 сенесининъ Рамазан айында бир базарэртеси геджеси, кене Хирадаки къобагъа чыкъып, тюшюнджеге далгъан эди. О, бутюн гонъюлинен ве акъылынен Аллахкъа ёнельген эди. Иште, бу сырада мелеклернинъ энъ буюги олгъан Джебраиль -алейхисселям-, Аллахнынъ эмиринен Пейгъамберимизге кельди ве «Окъу» деди. О, буны учь кере текрарлады. Севгили Пейгъамберимиз «не окъуйым», дегенинен Джебраиль -алейхисселям-, Къуран-ы Керимден беш аетни теблигъ этти. Бойлеликнен, ильк вахий кельди ве Къуран-ы Керим назиль олмагъа башлады.
Ильк вахий кельгени вакъыт Пейгъамберимиз -саллаллаху алейхи ве селлем- къыркъ яшында эди. Ильк дефа энген ве Къуран-ы Керимде Алякъ суресининъ башында ер алгъан бу беш аетнинъ манасы шудыр:
«Яраткъан Раббинънинъ адынен окъу. О, инсанны «алякъ»дан яратты. Окъу, Раббинъ сонъсуз джумерттир. Къалемнен язмакъны огреткен де О. Инсангъа бильмегенини де О огретти.»
Къураннынъ энмеге башламасынен Хазрети Мухаммед -саллаллаху алейхи ве селлем-ге сонъ пейгъамбер олгъаны билдирильди. Къуран-ы Керим базан ает-ает, базан да сурелер алында парча-парча энди. Эписи олып Къураннынъ энмеси 23 йылда тамамланды. Аетлер чокъусы бир суаль я да бир вакъиа узерине энер эди. Аетлернинъ энмесине себеп олгъан суаль ве вакъиаларгъа «себеб-и нузуль» деп айтыла.
Къураннынъ энъ сонъ назиль олгъан аети исе, Бакъара суресининъ 281-джи аетидир. Манасы шу:
«Аллахкъа къайтаджагъынъыз ве сонъра акъсызлыкъкъа огърамадан эр кеске не къазангъан олса эксиксиз бериледжеги куньден къоркъунъ.»
Комментариев нет:
Отправить комментарий