Мушриклернинъмусульманларгъа япкъан эзиетлери кунь-куньден чокълаша эди. Мусульманлар ибадетлерини раат япамай, ачыкътан Къуран окъуп олмай эдилер. Бу себептен Хазрети Мухаммед -саллаллаху алейхи ве селлем- мусульманларгъа‚ даа эмин бир ер олгъан Хабешистангъа (Эфиопия) хиджрет этмелерине изин берди.
Он бир эркек ве дёрт къадындан ибарет ильк къафиле , Хазрети Мухаммед -саллаллаху алейхи ве селлем-нинъ пейгъамберлигининъ бешинджи йылында гизли алда Къызыл денъиз ёлунен Хабешистангъа кеттилер. Ичлеринде Хазрети Осман -радиаллаху анх- ве къадыны, Пейгъамберимиз -саллаллаху алейхи ве селлем-нинъ къызы Рукъые де бар эди. Анда чокъ яхшы къаршылап алынгъан мусульманлар, раат бир аяткъа къавуштылар.
Ильк кеткен къафиленинъ яхшы къаршылангъаныны эшиткен мусульманлардан сексен адамлыкъ экинджи къафиле де бир йыл сонъра анда хиджрет этти. Буларнынъ башында Хазрети Алининъ къардаши Джафер-и Тайяр да бар эди.
Комментариев нет:
Отправить комментарий