АБДЕСТНИНЪ ФАЗИЛЕТИ

Абдест, белли вуджут азаларыны усулына коре ювмакъ ве месх этмек суретинен япылгъан темизликтир. Абдест алмакънынъ фазилети ве маневий файдалары акъкъында севгили Пейгъамберимиз шойле буюргъан:

«Бир мусульман абдест алгъанда эллерини ювгъанынен – эллеринен япкъан гуняхлары багъышланыр, юзюни ювгъанынен – козьлеринен ишлеген гуняхлары багъышланыр, аякъларыны ювгъанынен де аякъларынен юрип ишлеген гуняхлары багъышланыр».Муслим, Мусафирун, 294; Тирмизи, Тахарет, 2.

 «Сизден биринъиз эксиксиз оларакъ абдест алып, сонъра да: «Эшхэду энля иляхе илляллаху вахдеху ля шерикелех ве эшхэду энне Мухаммеден абдуху ве Ресулюх» деп айтса, дженнетнинъ секиз къапусы онъа ачылыр, истегенинден кирер».

 Абдестнинъ сагълыгъымыз ичюн де пек чокъ файдалары бар. Абдест алгъан бир мусульман, кирленген азаларыны сыкъ-сыкъ ювар ве темизлер. Бойлеликнен, писликтен ве микроплардан мейдангъа кельген бир чокъ хасталыкълардан озюни къорчалар.