ФЕТРЕТ ДЕВРИ

 Алякъ суресининъ ильк беш аети энгенден сонъра вахий бир муддет кесиле. Джебраиль(с.а.) кельмей эди. Арадан кечкен бу муддет, Хазрети Мухаммед -саллаллаху алейхи ве селлем-нинъ вахий къаршыламагъа яхшыджа азырланмасы ичюн эди. Акъикъатен Пейгъамберимиз -саллаллаху алейхи ве селлем- иляхий вахийнинъ текрар кельмесини бутюн гонъюлинен истеген ве оны къабул этмеге азыр алгъа кельген эди.

Бунынъ узерине Джебраиль -алейхисселям- онъа корюне ве Муддессир суресининъ ильк аетлерини кетире. Бу аетлернинъ манасы шойле:

«Эй, ортюнип бурюнген (Мухаммед). Тур да тенбиеле. Раббинъни буюк таны. Урбанъны тер-темиз тут. Яман шейлерни терк эт».

Бундан сонъра вахийнинъ кельмеси узюликсиз девам эте ве Къуран-ы Керим 23 сенеде тамамлана.

Юкъарыда айтылгъаны киби, ильк вахийден сонъра вакътынджа вахийнинъ кесильгени бу девирге «вахийнинъ фетрет девири» дейиле.