Базы ерлери кучьлю сель нетиджесинде йыкъылгъан Кябени Меккелилер тамир этмеге башладылар. Диварлар юкселип‚ сыра «Хаджару’ль- Эсвед» ады берильген мукъаддес къара ташны, Кябе диварындаки ерине къоймагъа кельгенде, эр къабиле бу шерефни къазанмакъ истеди. Атта араларында анълашмамазлыкъ ве къавгъа чыкъты. Сонъунда керчектен ишанчлы ве догъру бир инсан оларакъ танылгъан Хазрети Мухаммед -саллаллаху алейхи ве селлем-ни акем япмагъа ве онынъ береджеги укюмге разы олмагъа къарар бердилер.
Хазрети Мухаммед -саллаллаху алейхи ве селлем- «Хаджару’льЭсвед»ни бир тёшеме узерине къойды. Тёшеменинъ уджларындан къабиле реислерине туттуртты. Эп берабер ташны тёпеге котердилер. Хазрети Мухаммед -саллаллаху алейхи ве селлем- ташны мубарек эллеринен дивардаки ерине къойды. Онынъ бу узлаштырыджы арекети эр кесни мемнюн этти. Бойледже, буюк бир анълашмамазлыкъ ёкъ этильди. Бу адисе юз бергенде Хазрети Мухаммед -саллаллаху алейхи ве селлем- 35 яшында эди.
Хазрети Мухаммед -саллаллаху алейхи ве селлем- пейгъамбер олмасындан эвель де сонъ дередже догъру ве ишанчлы бир киши эди. 256 СИЕР Бу хусусиетинден себеп халкъ арасында онъа «Мухаммеду’ль- Эмин» яни «ишанчлы Мухаммед» деп айтыла эди. Эр кеснинъ севги ве сайгъысыны къазангъан эди. Темиз ве орьнек яшайышы иле джемиетте бир йылдыз киби йылтырады. Юдже Аллах, оны энъ яхшы бир шекильде тербие этти. Ахлякъ ве фазилет иле гузеллештирди. Чюнки инсаниетнинъ куртулмасы ичюн оны пейгъамбер оларакъ вазифелендиреджек эди.
Комментариев нет:
Отправить комментарий