МУКЕЛЛЕФ ДЕП КИМГЕ АЙТЫЛА

Пишкинлик чагъына кельген (акъыл-балигъ олгъан), акъылы еринде олгъан инсанларгъа мукеллеф дейилир.

Мукеллеф диннинъ эмирлерини япмакъ ве ясакъларындан сакъынмакънен месульдир. Мукеллеф олмакъ ичюн инсанда эки шартнынъ  булунмасы керек;


 1 - Акъылы еринде олмакъ.

2 - Пишкинлик чагъына кельмек.

Акъылы еринде олмагъан кимселернен (делилер), пишкинлик чагъына кельмеген балалар мукеллеф дегильдир.

 Пишкинлик чагъы, балаларнынъ ирилигине ве улькенинъ икълим шартларына коре денъише. Пишкинлик, огълан балаларда он экинен он беш, къыз балаларда исе докъузнен он беш яшлары арасында башлана. Он беш яшыны толдургъан алда пишкинлик аляметлери корюльмесе, бала огълан олсун, къыз олсун пишкинлик чагъына етишкен сайыла. Бундан сонъра бала диннинъ эмир ве ясакъларына уймакънен мукеллеф ола ве бир манада буюклерининъ сырасына къошула.