Мектюпте бильдирильгенине коре, душман ордусынынъ Ухуд
дагъына къадар келип, бу ерде къараргях къургъаны анълашыла. Бунынъ узерине, Пейгъамберимиз -саллаллаху алейхи ве селлем- асхабынен вазиетни муакеме япа ве 1000 адамлыкъ бир къуветнен душман ордусынынъ ерлешген Ухуд дагъына догъру арекет эте. Ёлда 300
мунафыкъ ордудан айрылып, арткъа къайта ве бойлеликле, мусульманларнынъ сайысы 700 адам къала.
Мусульманлар душман булунгъан ерге келелер. Ухуд дагъынынъ обир тарафына ерлешелер ве дженкке азырланып башлайлар. Ислям ордусынынъ сол тарафында бир вадий бар эди. Бу ерден япылмасы мумкюн олгъан душман уджюмине мани олмакъ макъсадынен Пейгъамберимиз -саллаллаху алейхи ве селлем- бу ерге 50 адамлыкъ окъчу бирлигини ерлештире ве оларгъа шу эмирни бере: «Душман истер зафер къазансын, истер енъилсин, менден эмир алмагъанджа бу ерден асла айрылманъыз. Душман атлылары кельсе‚ оларгъа окъ атынъыз».
Мусульманларнынъ къараманджа дженклешмелери нетиджесинде, душман ордусы дарма-дагъын ола. Бу ордуда булунгъан къадынлар да дагъларгъа догъру къачмагъа башлайлар. Анджакъ, даа бутюнлей гъалебе къазанылмагъан эди. Душманны такъип этип, бутюнлей тарумар этмек къарары алынмасы керек эди.
Не бар ки, мусульманлар гъалебе къазанылды зан этерек, душман тарафындан къалдырылгъан гъанимет малларны топламагъа башлайлар. Буларны корьген 50 адамлыкъ окъчу бирлиги де башларындаки команданларыны динълемей ве (бир къач данесинден башкъа) ерлеринден айрыла. Албуки, Пейгъамберимиз -саллаллаху алейхи ве селлем- оларгъа кендисинден эмир алмагъанджа ерлеринден айрылмамаларыны тенби эткен эди.
Окъчу бирлигининъ еринден айрылмасы мушриклернинъ ишине ярады. Аджеле топланаракъ‚ окъчуларнынъ терк эткенлери ерден уджюм этелер. Бу уджюм къаршысында мусульманлар агъыр вазиетте къалалар. Мусульманларнынъ бу гъафлети, къазанылгъан зафернинъ эльден кетмесине, Пейгъамберимиз -саллаллаху алейхи ве селлемнинъ эмджеси Хазрети Хамза -радиаллаху анх-нен бирликте бир чокъ Ислям къараманынынъ шехит тюшмесине себеп ола. Пейгъамберимиз -саллаллаху алейхи ве селлем-нинъ мубарек тиши къырыла, юзю яралана. Дженкнинъ энъ шиддетли анында биле, Пейгъамберимиз -саллаллаху алейхи ве селлем-, юзюндеки къанларны силер экен, шойле дуа этти: «Я Рабби! Миллетимни багъышла… Олар не япкъанларыны бильмейлер»
. Иште, Пейгъамберимиз -саллаллаху алейхи ве селлем-нинъ къальбиндеки мерхаметлик ве инсан севгиси… Ухуд дженкинде мусульманлардан 70 адам шехит ола. Мушриклер тарафында ольдюрильгенлернинъ сайысы 22 адам эди. Дженк девамында Ислям ордусындаки къадынлар буюк федакярлыкъ косьтерелер, аскерлерге сув дагъытып, яраларыны сараракъ хызмет этелер.
Пейгъамберимиз -саллаллаху алейхи ве селлем- йыллар сонъра Ухуд дженки олгъан ерден кечеркен, о кедерли кунни хатырлап, янындакилерге шойле сесленген эди: « Мусульманлар! Бундан сонъра текрар путларгъа тапманъызгъа имкян ёкътыр. Бундан зерре къадар эндише этмем. Къоркъкъаным шей сизинъ дюньягъа тапманъыздыр».
Бу дженкте мушриклер гъалебе къазангъанларына бакъмадан, беклегенлери нетиджеге иришемеден Ухуддан чекильдилер. Янъыдан топлангъан мусульманлар бир муддет душманны такъип эттилер. Душман текрар дженк мейданына къайтып кельмеди ве Меккеге догъру ёлуна девам этти. Мусульманлар да Мединеге къайттылар.
Мусульманлар душман булунгъан ерге келелер. Ухуд дагъынынъ обир тарафына ерлешелер ве дженкке азырланып башлайлар. Ислям ордусынынъ сол тарафында бир вадий бар эди. Бу ерден япылмасы мумкюн олгъан душман уджюмине мани олмакъ макъсадынен Пейгъамберимиз -саллаллаху алейхи ве селлем- бу ерге 50 адамлыкъ окъчу бирлигини ерлештире ве оларгъа шу эмирни бере: «Душман истер зафер къазансын, истер енъилсин, менден эмир алмагъанджа бу ерден асла айрылманъыз. Душман атлылары кельсе‚ оларгъа окъ атынъыз».
Мусульманларнынъ къараманджа дженклешмелери нетиджесинде, душман ордусы дарма-дагъын ола. Бу ордуда булунгъан къадынлар да дагъларгъа догъру къачмагъа башлайлар. Анджакъ, даа бутюнлей гъалебе къазанылмагъан эди. Душманны такъип этип, бутюнлей тарумар этмек къарары алынмасы керек эди.
Не бар ки, мусульманлар гъалебе къазанылды зан этерек, душман тарафындан къалдырылгъан гъанимет малларны топламагъа башлайлар. Буларны корьген 50 адамлыкъ окъчу бирлиги де башларындаки команданларыны динълемей ве (бир къач данесинден башкъа) ерлеринден айрыла. Албуки, Пейгъамберимиз -саллаллаху алейхи ве селлем- оларгъа кендисинден эмир алмагъанджа ерлеринден айрылмамаларыны тенби эткен эди.
Окъчу бирлигининъ еринден айрылмасы мушриклернинъ ишине ярады. Аджеле топланаракъ‚ окъчуларнынъ терк эткенлери ерден уджюм этелер. Бу уджюм къаршысында мусульманлар агъыр вазиетте къалалар. Мусульманларнынъ бу гъафлети, къазанылгъан зафернинъ эльден кетмесине, Пейгъамберимиз -саллаллаху алейхи ве селлемнинъ эмджеси Хазрети Хамза -радиаллаху анх-нен бирликте бир чокъ Ислям къараманынынъ шехит тюшмесине себеп ола. Пейгъамберимиз -саллаллаху алейхи ве селлем-нинъ мубарек тиши къырыла, юзю яралана. Дженкнинъ энъ шиддетли анында биле, Пейгъамберимиз -саллаллаху алейхи ве селлем-, юзюндеки къанларны силер экен, шойле дуа этти: «Я Рабби! Миллетимни багъышла… Олар не япкъанларыны бильмейлер»
. Иште, Пейгъамберимиз -саллаллаху алейхи ве селлем-нинъ къальбиндеки мерхаметлик ве инсан севгиси… Ухуд дженкинде мусульманлардан 70 адам шехит ола. Мушриклер тарафында ольдюрильгенлернинъ сайысы 22 адам эди. Дженк девамында Ислям ордусындаки къадынлар буюк федакярлыкъ косьтерелер, аскерлерге сув дагъытып, яраларыны сараракъ хызмет этелер.
Пейгъамберимиз -саллаллаху алейхи ве селлем- йыллар сонъра Ухуд дженки олгъан ерден кечеркен, о кедерли кунни хатырлап, янындакилерге шойле сесленген эди: « Мусульманлар! Бундан сонъра текрар путларгъа тапманъызгъа имкян ёкътыр. Бундан зерре къадар эндише этмем. Къоркъкъаным шей сизинъ дюньягъа тапманъыздыр».
Бу дженкте мушриклер гъалебе къазангъанларына бакъмадан, беклегенлери нетиджеге иришемеден Ухуддан чекильдилер. Янъыдан топлангъан мусульманлар бир муддет душманны такъип эттилер. Душман текрар дженк мейданына къайтып кельмеди ве Меккеге догъру ёлуна девам этти. Мусульманлар да Мединеге къайттылар.
Комментариев нет:
Отправить комментарий