ЭЗАН

Аллаху экбер Аллаху экбер
Аллаху экбер Аллаху экбер

Эшхеду эн ля иляхе иллаллах
Эшхеду эн ля иляхе иллаллах

Эшхеду энне Мухаммеден Расулюллах
Эшхеду энне Мухаммеден Расулюллах

Хаййа ’алес-салях,
Хаййа ’алес-салях

Хаййа ’алель-фелях,
Хаййа ’алель-фелях

 Эссаляту хайру’м-минен-невм52
Эссаляту хайру’м-минен-невм

Аллаху экбер, Аллаху экбер

Ля иляхе илляллах

Эзаннынъ манасы: 

Аллах эр шейден юджедир. 
Мен Аллахтан башкъа танъры олмагъанына шаатлыкъ этем. 
Мен Мухаммеднинъ Аллахнынъ пейгъамбери олгъанына шаатлыкъ этем.
 Намазгъа ашыкъынъыз. 
Къуртулышкъа ашыкъынъыз. 
Намаз юкъудан хайырлыдыр. 
Аллах эр шейден юджедир. 
Аллахтан башкъа танъры ёкътыр. 

Эзанны динълемекъ мустехаптыр. Эзан эшиткен кимсе муэззиннинъ артындан эзан джумлелерини текрарлар. Анджакъ; «Хаййа алесСалях» ве «Хаййа алель-Фелях» деп окъулгъанда; «Ля хавле ве ля къувете илля билляхиль-алийиль-азым» дер.

Эзан биткенинен Пейгъамберимизге салят ве селям кетирилир, сонъра да шу дуа окъуныр:

Окъунмасы: 

«Аллахумме Раббе хазихид-да’вети-т-таммети, вес-салятиль къаимете ати Мухаммеден эль-васылете ве’л-фазылете ве’ддереджети’р-рафиате, ве-б’асху макъамен махмуден’иллези ваадтех.» 

Манасы: «Эй нокъсансыз даветнинъ (эзаннынъ) ве кылынаджакъ намазнынъ Рабби олгъан Аллахым! Мухаммедге (с.а.в) весиле ве фазилетни, Дженетте юкъсек дереджени ихсан эйле ве ваде эткенинъ Макъамы Махмудгъа (энъ буюк шефаат макъамына) оны ириштир.» 

Пейгъамбер эфендимиз: «Эзан сонъунда ким бу дуаны окъуса къыямет кунюнде о киши шефаатыма хакъ къазаныр», - деп буюргъан.  Бухари, Эзан, 8.

52 Бу эки джумле тек саба эзанында окъуныр, къалгъан дёрт намаз ичюн окъунмаз.