ХАЗРЕТИ МУХАММЕДНИНЪ ТИДЖАРЕТ АЯТЫ - саллаллаху алейхи ве селлем

Къурейшнинъ намлы инсанларындан тул ве зенгин Хатидже адында бир къадын, базы кимселерге сермае берип тиджарет ортакълыгъы япа эди. Хатидже, Хазрети Мухаммед -саллаллаху алейхи ве селлемге сермае берип оны бир тиджарет керванынен Шамгъа ёллай.

ИШТЕКИ АЯТЫМЫЗ ВЕ АХЛЯКЪ

 Чалышмакъ – динимизнинъ эмри. Бир кимсе кечинмесини темин этмек ичюн ве кимсеге мухтадж олмайып яшамасы ичюн чалышмакъ меджбуриетинде. Инсанларнынъ чалышкъанлары иш ве къазанч ёллары чешит тюрлюдир. Чалышып къазангъанда дикъкъат этмемиз керек олгъан хусус – къазанчымызны хелял ёлларнен тапып, рызкъымызгъа харам къарыштырмамакътыр.

ИБАДЕТНИНЪ ФАЙДАЛАРЫ

Беденимизнинъ емекке ихтияджы олгъаны киби, рухумызнынъ да гъыдагъа ихтияджы бар. Рухнынъ гъыдасы - иман ве ибадетлердир. Ибадет рухумызны юкселтир, бизни феналыкълардан сакъындырыр, ахлякъымызны кямиллештирир ве энъ дегерли варлыгъымыз олгъан иманымызны къорчалар.

БАЗЫ МЕЛЕКЛЕРНИНЪ АДЛАРЫ ВЕ ВАЗИФЕЛЕРИ

Мелеклер – ерде, коклерде, чевремизде ве эр ерде булуналар. Сайыларыны анджакъ Аллах биле. Эр бирине Аллах махсус вазифелер бергендир.

Базылары девамлы оларакъ Аллахкъа ибадет этелер. Базылары да кяинатнынъ тертип ве низамынен вазифелидир. Мелеклер пек кучьлюдир ве инсаннынъ такъаты етмейджек буюк ишлерни япарлар. Инсанларгъа яхшылыкъ телькъин эткен, оларны ярамайлыкътан къорчалагъан, къыйын вакъытларда муминлерге ярдымгъа ёлланылгъан мелеклер бар. Юдже Аллах мелеклерни яратып сонъсуз къудретини косьтергендир.

ХАЗРЕТИ МУХАММЕДнинъ -саллаллаху алейхи ве селлемСЕЯАТЛАРЫ

Пейгъамберимиз -саллаллаху алейхи ве селлем-нинъ эмджеси Эбу Талиб тиджаретнен огъраша эди. Бир кересинде Хазрети Мухаммед -саллаллаху алейхи ве селлем-ни озюнен берабер алып кете. Шам (Сирия) якъынындаки Бусра къасабасына келелер. Анда Бахира адында бир папазнен къаршылашалар.

ШАХЫСЛАР ИЧЮН АХЛЯКЪНЫНЪ ЭМИЕТИ

Билингени киби, миллет ады берильген буюк топлулыкъ – къоранталардан ибарет. Къоранталар да азалардан ибарет. Ойле исе, бир миллетнинъ кучьлю олмасы, бахтлы яшамасы къоранталарнынъ сагълам олмасына багълы. Къорантанынъ сагълам ве раат олмасы исе, къоранта азаларынынъ узерине тюшкен вазифелерни беджермелеринен мумкюн ола. 

ИБАДЕТЛЕРНИНЪ ДЕРЕДЖЕЛЕРИ

Ибадет учь тюшюндженен япылмасы мумкюн.

1. Аллахкъа, ибадет ве сайгъы косьтерильмесине ляйыкъ тек варлыкъ олгъаны ичюн ибадет этмек. Ич бир къаршылыкъ беклемеден, ялынъыз Аллахнынъ эмрини ерине кетирмек макъсадынен япылгъан бойле бир ибадет, ибадетнинъ энъ юксек дереджесидир.

2. Дженнетке кирмеге истеп ве джехеннемден къоркъып япылгъан ибадет. Бу тюшюндженен ибадет япкъан кимсе Аллахнынъ эмирини ерине кетирген олур. Факъат инсан, ибадетни бойле менфаат тюшюнджесинен дегиль, ялынъыз Аллах ичюн япмалыдыр.