Пейгъамберимиз -саллаллаху алейхи ве селлем-нинъ эмджеси Эбу Талиб тиджаретнен огъраша эди. Бир кересинде Хазрети Мухаммед -саллаллаху алейхи ве селлем-ни озюнен берабер алып кете. Шам (Сирия) якъынындаки Бусра къасабасына келелер. Анда Бахира адында бир папазнен къаршылашалар.
Бахира, Теврат ве Инджильде ады ве сыфатлары язылгъан сонъ Пейгъамбернинъ аляметлерини бу балада коре. Бу себепнен Оны Меккеге къайтарып алып кетмелерини, чюнки еудийлер тарафындан балагъа бир зарар тиймеси мумкюнлигини Эбу Талибге айта. Эбу Талиб, Бахиранынъ бу тавсиесини къабул этип, Шамгъа кетмектен вазгече ве алыш-веришини бу ерде тамамлап, Меккеге къайта.
Хазрети Мухаммед -саллаллаху алейхи ве селлем- 17 яшында олгъанда да эмджеси Зубейрнен берабер Йеменге барып кельген эди.
Комментариев нет:
Отправить комментарий