НАМАЗНЫНЪ ВАДЖИПЛЕРИ

 1. Намазны «Аллаху Экбер» ибаресинен башламакъ.

2. Фарз намазларнынъ ильк эки рекятында, нафиле намазларнынъ эр рекятында Фатиха суресини окъумакъ.

3. Фарз намазларнынъ ильк эки рекятында, витир ве нафиле намазларнынъ эр рекятында Фатихадан сонъ суре я да ает окъумакъ.

 4. Фатиханы суреден эвель окъумакъ.

 5. Седждеде алыннен берабер бурунны да ерге къоймакъ.

 6. Учь ве дёрт рекятлы намазларнынъ экинджи рекятында отурмакъ (Бунъа «къаде-и уля» - биринджи отурыш дейиле.)

7. Намазлардаки биринджи отурышнен сонъ отурышларда «Эттахийяту» дуасыны окъумакъ.

8. Джемаатнен къылынгъаны вакъыт саба, джума, байрам, теравих ве витир намазларынынъ эр рекятында, акъшам ве ятсы намазларыннъ да ильк эки рекятында имамнынъ Фатиха ве сурени ачыкътан, яни сесли окъумасы. Уйле ве экинди намазларында исе гизли яни ичинден окъумасы.

9. Имамгъа уйгъан джемаатнинъ фатиха ве сурени окъумайып сусмасы.

10. Витир намазында къунут текбири алмакъ ве къунут дуаларыны окъумакъ.

11. Байрам намазларында алынгъан иляве текбирлер (яни къошма текбирлер). Булар 6 данедир.

12. «Та’дили эркан» яни аякъта тургъанда дос-догъру олмакъ, рукуда аркъаны дюз тутмакъ. (Къадынлар бираз мейилли турарлар.) Рукудан котерильгенде яхшыджа догърулмакъ, эки седжде арасында толу отурмакъ. Къыскъасы бутюн рукюнлерни ашыкъмайып, хакъкъыны берип япмакъ.

13. Намазнынъ сонъунда сагъ ве сол тарафкъа селям бермек.

14. Намазда янъылув олса сехив седждеси япмакъ.

 (Намазда, фарз я да ваджип олгъан шейлерден бир данеси кечке къалып япылса яхут ваджиплерден бириси унутылып терк этильсе, яни япылмагъан олса, бу алларда сехив седждеси япылыр. Эгер де ваджиплерден бириси махсус япылмагъан олса, намазны янъыдан къылмакъ керек.)