ИСЛЯМ АХЛЯКЪЫНА УЙГЪУН БИР ШЕКИЛЬДЕ ЯШАГЪАН МУСУЛЬМАННЫНЪ ХУСУСИЕТЛЕРИ

Яхшы бир мусульман: 

1. Иманнынъ шартларына шубесиз оларакъ инаныр ве бу инамыны тилинен айтыр.

2. Ибадетлерини Аллахнынъ эмир эткени ве Пейгъамберимизнинъ косьтергени киби япар.

3. Динимизнинъ ясакълагъан (ички, къумар, хырсызлыкъ ве ялан киби) шейлерден сакъыныр. Пейгъамберимиз Хазрети Мухаммед -саллаллаху алейхи ве селлем- шойле буюра: «Яландан сакъынынъыз. Шубесиз о зулумдыр. Экисини де япкъан-джехеннемлидир». Муслим, Бирр, 103.

4. Ялан айтмаз, ялан шейге шаатлыкъ япмаз, ялан ерге емин этмез, кимсенинъ артындан лаф этмез.

5. Не къолунен, не де тилинен ич кимсенинъ джаныны агъыртмаз. Пейгъамберимиз Хазрети Мухаммед -саллаллаху алейхи ве селлем- шойле буюра: «Аллахкъа ве ахырет кунюне инангъан я хайырлы шей сёйлесин, я да суссун».  Бухари, Адабин, 31,85.

6. Берген сёзюни тутар, эманетке хиянетлик япмаз.

7. Устюне алгъан вазифелерни яхшы бир шекильде япмагъа тырышыр.

 8. Инсанларны бир-бирлерине душман япаджакъ эр тюрлю сёз ве арекеттен сакъыныр, къавгъалы олгъанларны мабетлештирир. Къуран-ы Керимде Аллах шойле буюра: «Фитне - олюмден даа бетердир». Бакъара суреси, 217 ает

9. Эки юзлю олмакътан сакъыныр, корюнгени киби ве дос-догъру олур. Пейгъамберимиз Хазрети Мухаммед -саллаллаху алейхи ве селлем- шойле буюра: «Мунафыкънынъ учь алямети бар: лаф эткенде ялан сёйлер, сёз бергенде сёзюнде турмаз, эманетке де хиянетлик япар». Бухари, Иман, 24.

10. Яхшы ве ахлякълы инсанларнен аркъадашлыкъ япар, ярамай кимселернен аркъадашлыкъ япмаз.

11. Ич бирисини куньлемез. Пейгъамберимиз Мухаммед -саллаллаху алейхи ве селлем- шойле буюра: «Куньджюликтен сакъынынъыз, шубесиз куньджюлик атешнинъ агъачларны якъып ёкъ эткени киби, сизинъ савапларынъызны ёкъ этер». Ибн Мадже, Зухд, 22.

12. Ана ве бабасына сайгъылы олур, оларнынъ джаныны агъыртаджакъ сёз ве арекетлерден сакъыныр.

13. Кучюклерге севги, буюклерге сайгъы косьтерир.

14. Къомшуларынынъ джаныны агъыртмаз, къолундан кельгени къадар яхшылыкъ япар.

15. Бир кимсеге хакъсызлыкъ япкъаны вакъытта багъышлав сорар, хакъ саибине хакъкъыны къайтарыр. Аллахтан да афу тилер.

16. Онъа ярамайлыкъ япкъанлардан интикъам алмаз, хакъсызлыкъ эткен кимсени багъышлар.

17. Хелял ёллардан санки ич ольмейджек киби дюнья ичюн чалышыр, санки ярын оледжек киби де ахырет ичюн азырлыкъ япар.

 18. Эр кеснинъ яхшылыгъы ичюн тырышыр, айыры оларакъ фукъарелерге, ёкъсулларгъа ве кимсесизлерге ярдым этер.

19. Аллах ёлунда, ветан ве миллет ичюн керек олгъанда къолундан кельген ич бир федакярлыкътан вазгечмез.

20. Кимсенинъ устюнден кульмез, кимсени кучюк корьмез, эр кеснен яхшы кечинир, алчакъгонъюлли олур.

 21. Бутюн мусульманларны къардаш оларакъ корер. Пейгъамберимиз -саллаллаху алейхи ве селлем- шойле буюра: «Эй Аллахнынъ къуллары, къардаш олунъыз». Тирмизи, Бирр, 55.

22. Къыйынджылыкълар къаршысында умютсизликке тюшмез, сабырлы олур. Севгили Пейгъамберимиз -саллаллаху алейхи ве селлемшойле буюра: «Эр сабыр косьтергенге, Аллах даа да буюк сабырлар берир. Ич бир кимсеге сабырдан даа яхшы нимет берильмеген». Тирмизи, Бирр, 76.

23. Яхшылыкъкъа чагъырып, яманлыкътан узакълаштырыр. Пейгъамберимиз Мухаммед -саллаллаху алейхи ве селлем- шойле буюра: «Ким де ким бир янълышлыкъ корьсе, оны элинен тюзельтсин. Элинен тюзельтип оламаса, тилинен тюзельтсин. Тилинден де тюзельтип оламаса юрегинен къаршы чыкъсын. Сонъкиси иманнынъ энъ зайыф дереджесидир».  Бухари, Илим, 28.

24. Эр вакъыт Аллахкъа таяныр. Ярдымны анджакъ Ондан истер.